| e-texts navigator |
| Wylie |
29a1 དོན་གྱི་གཏན་ཚིགས་བསྟན་པ་ཡིན།། ང་ཡི་རང་བཞིན་དེ་བཞིན་ཉིད་གཅིག་ལ།། རྣལ་འབྱོར་རྣམ་བཞི་ཡོ་གའི་བྱེ་བྲག་ནི།། ལྟ་བ་སྤྱོད་པ་དམ་ཚིག་སྒྲུབ་པ་དང་།། མི་མཐུན་ཁྱད་པར་སོ་སོའི་བྱེ་བྲག
29a2 དེ།། ཤིན་ཏུ་རྣལ་འབྱོར་རྩོལ་སྒྲུབ་འདས་པས་འབྱེད།། དེས་ན་ཡོ་གའི་དོན་གྱི་གཏན་ཚིགས་བསྟན།། དགོས་ཆེད་དོན་གྱི་ངེས་ཚིག་བསྟན་པ་ནི།། དགོས་ནི་ཁམས་གསུམ་སེམས་ཅན་ཐམས་ཅད་ཀུན།། རང་སེམས
29a3 དེ་བཞིན་ཉིད་དེ་མཐོང་འགྱུར་ན།། སངས་རྒྱས་ཚིག་གི་ས་ལ་མི་གནས་ཏེ།། ད་ལྟ་ཉིད་ནས་ཤིན་ཏུ་རྣལ་འབྱོར་ཐོབ།། ལས་མེད་སྐལ་བ་ཆུང་བ་རྣམས་ལ་ནི།། མ་གབ་མངོན་དུ་ཕྱུང་ཡང་མི་རྟོགས་ཏེ།། གང་ཞིག
29a4 ནོར་བུ་རིན་ཆེན་འདོད་པ་དེ།། ཤིང་ལ་བྱི་དོར་བྱས་པས་མི་འགྱུར་བཞིན།། ལས་བཟང་སྐལ་ལྡན་ཤིན་ཏུ་རྣལ་འབྱོར་ལ།། ལྟ་བ་དམ་ཚིག་ཕྲིན་ལས་ས་ལམ་དང་།། སེམས་བསྐྱེད་རྒྱུ་འབྲས་སྒོམ་སྒྲུབ་གཉེན་པོ
29a5 མེད།། དོན་དམ་ཀུན་རྫོབ་རྣམ་གཉིས་མེད་མཐོང་བ།། དེས་ན་སེམས་ཀྱི་དེ་བཞིན་ཉིད་མཐོང་བས།། དེ་ལྟ་བུ་ལ་དགོས་པའི་དགོས་ཆེད་ཡིན།། ཞེས་གསུངས་སོ།། ཚིག་གི་དོན་གྱི་དགོས་པའི་ངེས་ཚིག་ནི།། མེད
29a6 པའི་དོན་བཅུ་མེད་པའི་སྒྲ་དང་ཚིག། ཚིག་ཏུ་བརྗོད་པས་བྱ་མེད་དོན་མཐོང་ནས།། བྱ་མི་དགོས་པའི་ཀུན་བྱེད་དེ་ཐོབ་པས།། ཚིག་གི་དོན་གྱི་དགོས་པ་བསྟན་པ་ཡིན།། ཞེས་གསུངས་སོ།། བྱང་ཆུབ་ཀྱི་སེམས་ཀུན
iiif viewer powered by OpenSeadragon
