| e-texts navigator |
| Wylie |
299a1 ཚུལ།། ཡོན་ཏན་ཕྲིན་ལས་ཀུན་ཏུ་གནས།། གདུལ་བྱའི་དོན་འབྱུང་སངས་རྒྱས་པ།། ཞིང་ཁམས་ཆེན་པོའི་སྣང་བ་འཕྲུལ།། ཤར་གྱི་སྤོས་དང་འོད་ཟེར་ཅན།། ཟླ་མདངས་འདོད་བཞིན་རིན་ཆེན
299a2 དུང་།། སངས་རྒྱས་དམ་པ་དྲི་མེད་སྐུ།། གཙུག་ཏོར་འོག་མིན་གནས་ཀྱི་བདག། ཕ་རོལ་ཕྱིན་དེ་རྡོ་རྗེའི་དཔུང་།། གྲོལ་བ་ཟླ་བ་རིན་ཆེན་ཚོགས།། ཡོན་ཏན་བཀོད་པ་པདྨའི་གདུང་།། དཔལ་གྱི་རྒྱལ་པོ་ལས
299a3 རབ་སྟོན།། བདེ་གཤེགས་ཆོས་དབྱིངས་སྣང་བ་ཡི།། ཡོན་ཏན་རྒྱལ་པོའི་སྡེ་དཔུང་བཞིན།། སངས་རྒྱས་བྱང་ཆུབ་སེམས་དཔའི་ཚོགས།། ཡེ་ཤེས་ཆེན་པོའི་རྣམ་སྤྲུལ་ལས།། མ་འདྲེས་རྣམ་པར་གྲུངས་པ་ཡི།། རང
299a4 བཞིན་བདེན་གཉིས་ཆོས་ཀྱི་རྒྱ།། དུས་དེར་ས་ཡི་རྒྱལ་པོ་བ།། བདག་དང་ཡུལ་དེའི་འཇིགས་བྱེད་ཆས།། རབ་སྐྱོང་དཀའ་ཐུབ་ལུ་མའི་གནས།། རྒོལ་བའི་དབང་ཕྱུག་དེ་བཅས་པས།། འདུས་བྱེད་རྒྱལ་པོ
299a5 འཇིག་རྟེན་དུ།། དག་པ་བཞི་ལྡན་དགོངས་པ་བཞི།། ཐེག་པ་གསང་བའི་སྒོ་འབྱེད་ཅིང་།། རྣལ་འབྱོར་དབང་ཕྱུག་བསྐྱེད་པར་མཛད།། ཕུན་སུམ་ཚོགས་པ་ཀུན་རྫོགས་ཏེ།། དེ་ཉིད་ཡོན་ཏན་གཞན་ལ་སྣང་།། ཐེག
299a6 ཆེན་གསང་བ་སྦྱོར་བ་ཡིས།། མ་ལུས་ལུས་མེད་རྒྱུད་ཀྱི་དོན།། ཤར་ལྷོ་དགའ་དབྱངས་དགོད་བྱེད་སྣང་།། ས་ཡི་མེ་ཏོག་འགོག་པའི་ཚལ།། པདྨ་རྣམ་དག་འཇིག་རྟེན་སྤྱན།། རང་བྱུང་གསང་སྔགས་སྒོ་ནས
iiif viewer powered by OpenSeadragon
