| e-texts navigator |
| Wylie |
296b1 གྱིས།། མངོན་པར་ཤེས་པ་ལྔ་གསལ་གྱུར།། འགྲོ་ཀུན་ལས་རྒྱུ་གང་ལས་བྱུང་།། རྒྱལ་བའི་བསྟན་པ་དྲི་མེད་དོན།། གཉིས་མེད་ཆོས་ལ་བདུན་པར་གནས།། དུས་གཞན་དགེ་བའི་བཤེས་གཉེན་ལ།། དབང་ཐོབ
296b2 གདམས་ངག་ཇི་ལྟ་བར།། མངོན་གསལ་དག་ཅིང་དྲི་མ་མེད།། ཡེ་ཤེས་ཆེན་པོའི་སྟོབས་རྫོགས་ནས།། རྫོགས་ལྡན་རིན་ཆེན་ཡོད་པའི་གནས།། ཕྱོགས་བཅུའི་སངས་རྒྱས་མཚན་མཐུན་པར།། རྒྱལ་བའི་དགོངས་པ
296b3 མར་མེ་མཛད།། ཞིང་ཁམས་དག་པར་རྫོགས་ལོངས་སྤྱོད།། སྦྲུལ་སྐུ་རྫོགས་པར་ཚུལ་འཛིན་པར།། འཁོར་གྱི་སངས་རྒྱས་བྱང་ཆུབ་སེམས།། གདུལ་བྱ་དག་པ་སྣ་ཚོགས་ལ།། བྱིན་རླབས་བཀོད་དོན་རོལ་པའི
296b4 ཚུལ།། བདེ་གཤེགས་ཀུན་གྱིས་དབང་བསྐུར་ཏེ།། ཐུགས་རྗེའི་དཀྱིལ་འཁོར་འཕྲུལ་པར་མཛད།། ཕྱག་རྒྱའི་དཀྱིལ་འཁོར་སྣ་ཚོགས་པས།། གསང་བ་བླ་ན་མེད་པའི་རྒྱུད།། ཕྱོགས་རྣམས་ཀུན་ཏུ་རྣམ་སྤྲོས
296b5 ཏེ།། སྐལ་ལྡན་འཇུག་པའི་དོན་བཞིན་བཤད།། རྡོ་རྗེ་མི་དམིགས་འཇིགས་པ་མེད།། བདུད་བཞི་ལ་སོགས་ཚོགས་ཀུན་འཇོམས།། རྣམ་དག་ཆོས་ཀུན་སྣང་བའི་གཞི།། ཕྱག་རྒྱ་ཆེན་པོའི་རང་བཞིན་གནས།། འདི
296b6 དག་རྨད་བྱུང་སྐུ་དང་གསུང་།། ཐུགས་ཀྱི་དཀྱིལ་འཁོར་རྣམ་སྣང་བ།། བྱིན་རླབས་ཆོ་འཕྲུལ་འདུས་མ་བྱས།། རྣམ་སྟོང་སྟོང་ཉིད་བདེ་བའི་མཆོག། གཉིས་སུ་རྟོག་པས་གང་སྤྱོད་པ།། དེར་འཛིན་མཐའ་ལ་ལྟུང་བར
iiif viewer powered by OpenSeadragon
