| e-texts navigator |
| Wylie |
295b1 འགྱུར།། དུས་གསུམ་དེ་བཞིན་གཤེགས་ཀུན་དང་།། སྲས་བཅས་དགོངས་པ་འགྲོ་བར་བྱེད།། སྐལ་ལྡན་རྣལ་འབྱོར་གསང་བ་ཀུན།། སེམས་བསྐྱེད་གསང་བའི་གདམས་ངག་མནོས།། ཚེགས་མེད་རྟོགས་པས་ཆོས
295b2 རྣམས་ཀུན།། ཟབ་ཅིང་རྒྱ་ཆེ་འདུ་འབྲལ་མེད།། ཡེ་ཤེས་ཆེན་པོས་ཡུལ་ཀུན་སྦྱངས།། ཡོན་ཏན་ཀུན་ནས་འབྱུང་བའི་སྐུ།། ཐམས་ཅད་མཁྱེན་པའི་གཉིས་མེད་སྒོ།། སྐུ་གསུང་ཐུགས་མཆོག་རྒྱན་ཀྱིས་སྤྲས།། དེ་ཚེ
295b3 ཞིང་ཁམས་ཐམས་ཅད་ནས།། རང་བཞིན་མེ་ཏོག་ཕྲེང་བ་སྤོས།། རོལ་མོས་པར་སྣང་གང་གྱུར་ཅིང་།། འགྱུར་བའི་ལྟས་ཆེན་བཅུ་དྲུག་བྱུང་།། ཐམས་ཅད་ཡ་མཚན་ངོ་མཚར་གྱིས།། བཅོམ་ལྡན་འདས་ཀྱི་སྤྱན་སྔར
295b4 ལྷགས།། འདི་ལྟར་རྣམ་འཕྲུལ་གང་ལགས་པ།། འཇིག་རྟེན་མགོན་གྱིས་ལུང་བསྟན་མཛོད།། འདི་ནི་རྣལ་འབྱོར་སྐལ་ལྡན་དཔལ།། ཉི་འོད་ཟླ་བའི་གཟི་བརྗིད་འབྲེལ།། རི་རྒྱལ་བཀྲ་ཤིས་མཛེས་པ་ཅན།། སོར
295b5 ཕྲེང་མུ་ཏིག་དཔལ་རབ་འབྱོར།། ཆོས་རྒྱལ་མཚན་བཟང་དཔའ་བོ་སྐྱོས།། གྲོགས་བྱེད་བརྩེ་བའི་ཡིད་གཞུངས་བརྩེགས།། དུས་མཚུངས་བཅོ་ལྔ་ཕྱོགས་གཅིག་ཏུ།། མཉམ་གྲོལ་རྒྱལ་བའི་ཡུམ་ལ་སྦྱོར།། ཕྱི་དུས
295b6 སྟོབས་འཕེལ་དག་བྱེད་གནས།། རིམ་བཞིན་འགྲོ་བའི་ཚོགས་ལ་གཤེགས།། ཀུན་གྱིས་བདག་གི་བསྟན་པ་འདི།། འགྲོ་བ་ཀུན་ལ་གསང་བར་སྟོན།། མ་ལུས་འཇིག་རྟེན་འདིར་སྣང་བའི།། འབྱུང་ཆེན་ཕུང་ཁམས
iiif viewer powered by OpenSeadragon
