| e-texts navigator |
| Wylie |
294a1 སེམས།། བསྒོམས་སྔོན་ནས་འགྲོ་བ་མང་ལ་བརྒྱུད།། དཀྱིལ་འཁོར་གསང་བར་དབང་ཐོབ་ཅིང་།། སྙིང་པོ་འདའ་དཀའ་འཇིགས་མེད་གཉིས།། དཀའ་སྤྱོད་གྲགས་པ་མཐའ་ཡས་དུས།། མྱ་ངན་གནས
294a2 བྲལ་བདེ་བ་ཅན།། སྟོབས་རྒྱུ་དང་བའི་རྒྱལ་མཚན་དུ།། ངེས་པར་སངས་རྒྱས་ཆོ་འཕྲུལ་ཚོགས།། སྟོང་གསུམ་འཇིག་རྟེན་གནས་ཀུན་གཡོ།། སངས་རྒྱས་བྱང་ཆུབ་སེམས་དཔའི་ཚོགས།། ཆོས་ཀུན་གདོད་ནས་དྲི
294a3 མེད་པར།། བྱང་ཆུབ་སེམས་དཔའི་རྒྱན་གྱིས་མཚན།། རྒྱུད་ཆེན་གསང་བའི་དོན་རྣམས་ཀུན།། སྐལ་ལྡན་མོས་པའི་རིམ་བཞིན་བསྟན།། དེ་ལས་བྱང་ཆུབ་སེམས་དཔའི་སྡེ།། རྡོ་རྗེ་རྒྱལ་མཚན་ལ་སོགས
294a4 ཀྱིས།། བྱིན་རླབས་ཡོན་ཏན་རྗེས་སུ་གྲོལ།། བསམ་འདས་དྲི་མེད་གཟུང་བར་བྱེད།། དེ་ལྟར་དཔལ་དེ་ཆོས་ཀྱི་གདུགས།། དད་སྒྲོལ་འོད་ཟེར་ཕྲེང་བ་ཅན།། རྒྱལ་བ་ཀུན་གྱི་གྲོགས་མཛད་ཅིང་།། ཐར་པའི་གྲོང་ཁྱེར
294a5 བདག་པོར་འགྱུར།། དམིགས་མེད་ཡུལ་ཚོགས་གཉིས་མེད་སེམས།། རྫོགས་ཆེན་བྱང་ཆུབ་ཆེན་པོའི་དབྱིངས།། སངས་རྒྱས་ཀུན་གྱིས་གཟིགས་པའི་ཡུལ།། བདེ་ཆེན་སྙིང་པོ་རང་བཞིན་ཉིད།། ཕྱོགས་བཅུ་དུས
294a6 ཚོགས་བསམ་ཡས་པར།། ཐམས་ཅད་ཐམས་ཅད་འདུད་པའི་གནས།། ཉོན་མོངས་སྡུག་བསྔལ་རྒྱུད་རྣམས་ཀུན།། གློ་བུར་ཉིད་དེ་བདེ་བའི་ཞིང་།། སྤྲུལ་པ་མ་འགགས་དཀྱིལ་འཁོར་ཀུན།། སྐུ་གསུང་ཐུགས་ཡོན
iiif viewer powered by OpenSeadragon
