| e-texts navigator |
| Wylie |
293b1 ཡི།། སངས་རྒྱས་ཀུན་བྱོན་དབང་བསྐུར་འགྱུར།། འཁོར་གྱི་སངས་རྒྱས་བྱང་ཆུབ་སེམས།། འཁོར་བཅས་ཀུན་ལ་ཐེག་པའི་གཞུང་།། དུས་གསུམ་གསང་བའི་གདམས་ངག་མཆོག། ཆོས་ཀྱི་ཞིང་ཁམས་སྐྱོང་བར
293b2 མཛད།། བྱང་ཆུབ་སེམས་དཔའ་བློ་གྲོས་མཛད།། གང་ཕྱིར་དངོས་འདི་སྣ་ཚོགས་པ།། ཐམས་ཅད་ཆོས་ཀྱི་དེ་བཞིན་ཉིད།། སྨིག་རྒྱུ་ཆུ་ཟླའི་དཀྱིལ་འཁོར་དང་།། སྤྲུལ་པ་དྲི་ཟའི་གྲོང་ཁྱེར་ཚོགས།། སྒྱུ་མ་རྨི་ལམ་སྣ
293b3 ཚོགས་ཡུལ།། མིག་ཡོར་མེ་ལོང་བཞིན་ལྟ་བུར།། བྲག་ཆ་སྒྲ་སྙན་གཞན་གྱི་དབང་།། ནམ་མཁའི་མེ་ཏོག་མོ་གཤམ་བུ།། ཚིག་དབང་དོན་ལ་དེ་མ་སྐྱེས།། ཀུན་སྣང་ནམ་མཁའི་ལྦུ་བ་བཞིན།། རྩ་བ་མེད་པའི་བྱང
293b4 ཆུབ་སེམས།། ཆགས་མེད་དབྱིངས་ཀྱི་དཀྱིལ་འཁོར་ན།། ཀུན་བཟང་ཡེ་ཤེས་རྣམ་པར་འཕྲོ།། འཁོར་བ་ཉིད་ན་མྱ་ངན་འདས།། ཉོན་མོངས་རྟོག་ཚོགས་བྱང་ཆུབ་ལམ།། འཁོར་བ་ཉིད་ན་མྱ་ངན་འདས།། དེ་བཞིན
293b5 རྣམ་པར་ཐར་པའི་ཐེག། དད་ལྡན་མཆོག་ལ་སྟོན་པར་མཛད།། དེ་འོག་བསྐལ་པ་ཉི་ཤུ་ན།། གྲངས་སྤྱོད་འཇིག་རྟེན་མངོན་རྒྱུ་བར།། སངས་རྒྱས་མི་གཡོ་གཙུག་ཏོར་ཅན།། སྙན་པ་ཀུན་གྲགས་འཁོར་དང
293b6 བཅས།། དུས་དེར་དགའ་བ་ཆེན་པོའི་ཤུགས།། འབད་པ་ཆེན་པོ་བརྩེ་བ་ཅན།། ཁྱིམ་བདག་སྐྱབས་མགོན་མྱ་ངན་མེད།། བཀའ་ནས་གཞོན་ནུ་སྙིང་སྟོབས་ཅན།། བཞི་པོ་དུས་མཚུངས་ཐེག་ཆེན་བྱང་ཆུབ
iiif viewer powered by OpenSeadragon
