| e-texts navigator |
| Wylie |
293a1 འབྱོར་དབང་ཕྱུག་འཁོར་བཅས་སྐྱོང་།། འདི་ལྟར་སྣང་ཞིང་སྲིད་པའི་ཆོས།། རྒྱལ་བའི་བསྟན་པ་དགོངས་པའི་དོན།། མ་འགགས་གསལ་བ་སྐུ་དང་གསུང་།། ཐུགས་ཀྱི་སྒོ་ནས་ངང་ཚུལ་སྟོན།།
293a2 མཚན་བདེ་གཤེགས་དཀྱིལ་འཁོར་ལས།། དངོས་པོའི་རིགས་ཀུན་སྣ་ཚོགས་ལ།། རྟོགས་པའི་རྒྱུད་ཀྱིས་གཉིས་སུ་བརྟགས།། མི་རྟོག་ཡེ་ཤེས་མི་འགག་པའོ།། འབྲས་བུ་ཡི་ནས་གནས་པའི་ཆོས།། ཐམས་ཅད་དོན
293a3 གྱི་རང་བཞིན་ཡིན།། གསང་མཆོག་བྱང་ཆུབ་སེམས་ཀྱི་དབྱིངས།། སངས་རྒྱས་ཀུན་གྱི་དགོངས་པ་ཉིད།། སྐལ་ལྡན་བྱང་ཆུབ་སེམས་དཔའ་ལ།། ཐབས་མང་ཕྱག་རྒྱའི་སྒོ་ནས་སྟོན།། དེ་འོག་བསྐལ་པ་དྲུག་ཅུ
293a4 ན།། སྐར་མ་འཚོགས་པའི་འཇིག་རྟེན་དུ།། མྱ་ངན་མུན་འཇོམས་ཆོས་ཀྱི་གྲོང་།། སངས་རྒྱས་མི་ཐུབ་ཟླ་བ་འགྱུར།། རྒྱལ་སྲས་འབར་བའི་བློ་གྲོས་ཀྱིས།། ཐེག་ཆེན་གསང་བའི་བློ་སྐྱེས་ནས།། བསམ་པ་བརྟན་པོས
293a5 གསོལ་བཏབ་ཅིང་།། ཚད་མེད་གོ་ཆ་བགོས་པའི་མཐུས།། དཀྱིལ་འཁོར་གསང་བར་དབང་བསྐུར་ཅིང་།། རྒྱུད་རིག་དམ་ཚིག་འབོགས་པར་མཛད།། གཉིས་མེད་མཉམ་པར་བཞག་པའི་མཐུས།། ཀུན་གྱི་ཆོས་ཉིད
293a6 དོན་གསུམ་ལ།། བདེ་ཆེན་རྟོགས་པའི་བྱིན་རླབས་ཤར།། སྒྲིབ་བྲལ་སངས་རྒྱས་རྒྱན་གྱིས་བརྒྱན།། དུས་གཞན་སྤོས་ངད་ལྡན་པ་ཡི།། གནས་སུ་འགྲོ་བའི་དོན་ལ་གཤེགས།། ཐུབ་པ་ཆེན་པོ་ཕྱོགས་བཅུ
iiif viewer powered by OpenSeadragon
