| e-texts navigator |
| Wylie |
292b1 གྲགས་པ་ཅན།། གདུལ་བྱ་ཁྱད་པར་འཕགས་པའི་རིགས།། སངས་རྒྱས་ཀྱིས་འཇིགས་སེང་གེའི་དྲེགས།། མར་མེ་སྔོན་འཕགས་རྒྱལ་པོའི་སྤྲིན།། ཙནྡན་བཀོད་པའི་སྡེ་བཅས་པའི།། སངས་རྒྱས་བྱང་ཆུབ་སེམས
292b2 དཔའ་རྣམས།། རང་རིག་སྣང་བའི་ཞིང་ཁམས་ཀུན།། འོད་བཅས་ཐེག་པའི་འཁོར་ལོ་སྤྱོད།། གྲངས་མེད་བསྐལ་པར་ཚོགས་བསགས་ཤིང་།། ཡུན་རིང་ཐེག་པས་རྒྱུད་སྦྱངས་པའི།། དཔལ་གྱི་སྙིང་པོའི་འོད་ཟེར
292b3 ཅན།། སྐར་མ་སྟོབས་བསྐྱེད་དྲ་བའི་སྡེ།། རང་གི་སྟོན་པའི་ཞལ་ནས་སུ།། ངེས་པའི་སྙིང་རྗེ་ཆེན་པོ་ཡིས།། གསང་སྔགས་ཟབ་མོ་ལམ་གཉེར་ཞིང་།། རྩེ་གཅིག་བརྩོན་པས་འདུད་པར་འགྱུར།། དཀྱིལ་འཁོར་གསང
292b4 བར་དབང་བསྐུར་ཏེ།། ཐེག་ཆེན་དམ་ཚིག་མཆོག་ལ་བཞག། ངེས་པའི་ཕྱག་རྒྱ་གསང་བ་ཡིས།། བསྐལ་པ་མང་པོ་སྒྲིབ་སྤངས་ཤིང་།། འབྲས་བུ་བྱང་ཆུབ་སེམས་ལ་སྦྱོར།། ཡོན་ཏན་ཀུན་འབྱུང་བདག་པོར
292b5 འགྱུར།། རྡོ་རྗེ་ལྟ་བུས་ཀུན་བཅོམ་ནས།། ཀུན་ཏུ་འོད་བཟང་མ་ཆགས་སྤྱན།། ཡི་གེ་འཁོར་ལོ་བླ་མེད་གནས།། སྐུ་ལྔ་ཡེ་ཤེས་ཆེ་རྒྱུད་སྦྱོར།། རིམ་བཞིན་དེ་འོག་བསྐལ་པ་ལྔར།། སངས་རྒྱས་ཀུན་གྱིས་དབང་བསྐུར
292b6 ཞིང་།། བྱང་ཆུབ་སེམས་དཔའི་འཁོར་རྣམས་ལ།། གསང་མཆོག་ཐེག་པ་སྟོན་པར་བྱེད།། བྱང་ཆུབ་སེམས་དཔའ་ཉི་མའི་བཤེས།། རབ་བདག་འོད་ཟེར་སྣང་བའི་སྒོ།། བསྟན་པའི་རྒྱུད་ཆེན་བཟུང་བྱེད་ཅིང་།། རྣལ
iiif viewer powered by OpenSeadragon
