| e-texts navigator |
| Wylie |
290b1 ཀུན།། བརྟན་གཡོ་སངས་རྒྱས་ཞིང་ཁམས་མཆོག། རིན་ཆེན་བཀོད་པའི་གནས་འདི་ཡི།། ཕྱོགས་བཅུ་རབ་འབྱམས་བསྐལ་པའི་དུས།། བགྲང་འདས་གསུམ་གྱི་བར་མཚམས་སུ།། སྟོན་པ་ཇི་ལྟར་སངས་རྒྱས
290b2 ཞིང་།། བསྟན་པའི་འདུལ་བའི་སྣོད་ཇི་ལྟར།། བྱུང་ཚུལ་གསང་བའི་ཁྱད་པར་དོན།། འདི་ཡི་ཐོག་མ་གྲངས་མེད་ནས།། སྐྱོབས་པ་ཅན་གྱིས་སྦྱིན་པའི་ཀློང་།། གང་ཟག་འཕགས་པའི་རིགས་མཚུངས་པའི།། ཆོས
290b3 སྐྱོང་རྒྱལ་པོའི་བློ་གྲོས་དང་།། ཆོས་ཀྱི་སེམས་དཔའ་སེམས་བསྐྱེད་དོ།། ཡུན་རིང་སྦྱིན་སོགས་འགྲོ་བའི་དོན།། རེ་ཞིག་ན་ཡང་རང་སངས་རྒྱས།། རྫུ་འཕྲུལ་མགྱོགས་པ་ཞེས་བྱ་བས།། གྲོང་ཁྱེར་ཀུན་ཏུ་རྣམ་འཕྲུལ
290b4 སྟོན།། མྱ་ངན་འདས་པའི་སྐུ་གདུང་ལ།། འོད་བྱུང་རྐྱེན་གྱིས་སེམས་ཀྱི་དོན།། ཆོས་ཉིད་སྙིང་པོའི་འདུ་འབྲལ་མེད།། རྟོགས་ཚིག་སྒྲོགས་ཤིང་གནས་བྱས་ཏེ།། དུས་ཀུན་འགྱུར་མེད་གསལ་བ་ལས།། ཐམས་ཅད
290b5 མཁྱེན་པའི་ཡུམ་སྦྱོར་ཏེ།། སྒྲིབ་ཚོགས་བག་ཆགས་གནས་སུ་དག། བསོད་ནམས་ཡེ་ཤེས་ཚོགས་ཆེན་རྫོགས།། ཕྱོགས་བཅུའི་དཀྱིལ་འཁོར་ས་ལེ་བར།། རྒྱུ་རྐྱེན་འདྲ་བར་འབྲས་བུའི་ཆོས།། སྟོབས་བཅུ་མི
290b6 འཇིགས་བཞིར་བཅས་པའི།། མཚན་དཔེ་རྒྱན་སོགས་སྤྱོད་ཡུལ་དང་།། ཞིང་ཁམས་ཡོངས་སུ་དག་པར་འགྱུར།། དེ་ཡི་ཚེ་ན་སྟོང་གསུམ་འདི།། ལན་གྲངས་དུ་མར་གཡོ་ཞིང་བསྐྱོད།། ལྷ་ཡི་རོལ་ཆེན་མེ་ཏོག
iiif viewer powered by OpenSeadragon
