| e-texts navigator |
| Wylie |
290a1 འཕྲུལ།། ཐེག་ཆེན་ཆོས་ཀྱི་འཁོར་ལོ་ཉིད།། རྟག་ཏུ་རང་གི་གནས་ན་གསལ།། ཨཱ་ལི་ཀཱ་ལི་མཉམ་སྦྱོར་བས།། དབྱིངས་དང་ཡེ་ཤེས་བདེ་བའི་རྒྱུན།། ཟབ་མོ་གསལ་བའི་སྔགས་ལམ་ནས།། རྒྱ་ཆེ
290a2 རྣམ་པར་འཕྲུལ་པ་འབྱུང་།། ཐམས་ཅད་ཀུན་ཏུ་བཟང་མོའི་མཁའ།། ཀུན་བཟང་མ་འགགས་གཉིས་མེད་ལ།། དེ་ནས་བདེ་གཤེགས་ཐམས་ཅད་དང་།། སྲས་བཅས་བྱང་ཆུབ་སེམས་ཀུན་གྱིས།། རྒྱལ་བའི་བཀའ་ལ
290a3 ཡི་རང་ནས།། མངོན་པར་བསྟོད་ཅིང་མཆོད་པ་མཛད།། ཨེ་མ་ཧོ་སངས་རྒྱས་བཅོམ་ལྡན་སྐུ།། ཡོན་ཏན་ཐམས་ཅད་འབྱུང་བའི་གནས།། ཀུན་ཏུ་ཆོས་འཁོར་རྒྱུན་མི་འཆད།། དཀྱིལ་འཁོར་སྣ་ཚོགས་འཁོར་ལོ
290a4 མཛེས།། ཞེས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར་བར་གསལ་བར་གནས་པའི་རྒྱུད་ལས། སངས་རྒྱས་ཀྱི་བྱིན་གྱིས་རླབས་སྟོན་པའི་ལེའུ་སྟེ་བཞི་པའོ།། །། གཞན་དུ་རྣམ
290a5 པར་འཕྲུལ་པའི་སྒོ།། གྲངས་མེད་ཀུན་གྱིས་གཟིགས་པ་དག། སངས་རྒྱས་ཀུན་གྱིས་བཀོད་པ་དེ།། བྱིན་རླབས་ཡོན་ཏན་རྒྱུད་ལས་བྱུང་།། དེ་དག་འཁོར་གྱིས་ཐེ་ཚོམ་ལས།། སྟོན་པའི་སྣང་བ་སྒོ་དབྱེ
290a6 མཛད།། ཐམས་ཅད་མཁྱེན་པའི་ཡེ་ཤེས་ཀྱིས།། དུས་གསུམ་སྣང་བའི་ལུང་བསྟན་མཆོག། སྟོང་གསུམ་འཇིག་རྟེན་མཐའ་ཡས་པ།། རྡུལ་སྙེད་བགྲང་བའི་མཐའ་ལས་འདས།། དབྱིབས་རྒྱན་སྣང་བ་སྣ་ཚོགས
iiif viewer powered by OpenSeadragon
