| e-texts navigator |
| Wylie |
28b1 བཙལ་མེད་ལམ་ལ་བགྲོད་དུ་མེད།། ས་ལ་སྦྱང་མེད་རྒྱུ་དང་འབྲས་བུ་མེད།། དོན་དམ་དང་ནི་ཀུན་རྫོབ་རྣམ་གཉིས་མེད།། བསྒོམ་ཞིང་བསྒྲུབ་ཏུ་མེད་པར་མཐོང་བ་དང་།། སེམས་བསྐྱེད་མེད་ཅིང་གཉེན་པོ་མེད
28b2 མཐོང་བ།། ཀུན་བྱེད་སེམས་ཀྱི་རང་བཞིན་མཐོང་བ་ཡི།། དེ་ལྟ་བུ་ཡི་དགོས་ཆེད་བསྟན་པ་ཡིན།། ཞེས་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ཚིག་གི་དོན་གྱི་དགོས་པ་བསྟན་པ་ནི།། ཀུན་བྱེད་བྱང་ཆུབ
28b3 སེམས་པ་དེ་བཞིན་ཉིད།། ཇི་ལྟར་སྣང་བའི་ཆོས་རྣམས་བསྟན་པ་ནི།། ཀུན་བྱེད་དེ་བཞིན་ཉིད་ཀྱི་རང་བཞིན་ཏེ།། ཚིག་དང་ཡི་གེ་སྒྲ་རུ་མ་བསྒྲགས་ན།། གང་ཟག་ཡིད་ཀྱི་དབང་པོ་རིག་པ་ཡིས།། དེ་བཞིན་ཉིད་ཀྱི
28b4 རང་བཞིན་གབ་མི་སྣང་།། དེས་ན་ཚིག་དང་ཡི་གེ་སྒྲ་རུ་བསྒྲགས།། དེས་ན་ཚིག་གི་དོན་གྱི་དགོས་པར་བཤད།། ཀྱེ་སེམས་དཔའ་ཆེན་པོ།། གང་དང་གང་གི་ལོ་རྒྱུས་བཤད་པ་ནི།། སྟོན་པ་བསྟན་པ་འཁོར་གྱི་ལོ
28b5 རྒྱུརྒྱས་ཏེ།། སྟོན་པ་ཀུན་བྱེད་རང་བཞིན་རྣམ་གསུམ་ལས།། འཁོར་གྱི་རང་བཞིན་སྐུ་གསུམ་སྟོན་པ་བྱུང་།། སྐུ་གསུམ་སྟོན་པའི་བཤད་ལུགས་རྣམ་གསུམ་ནི།། སྟོན་པ་བསྟན་པ་གསུམ་གྱི་ལོ་རྒྱུས་ཡིན།། གང་དང་གང
28b6 གི་རྩ་བ་བཤད་པ་ནི།། ང་ལས་བྱུང་བའི་སྟོན་པ་སྐུ་གསུམ་གྱིས།། ཇི་སྐད་བསྟན་པའི་ཆོས་རྣམས་ཐམས་ཅད་ཀུན།། རྩ་བ་བྱང་ཆུབ་སེམས་སུ་བསྟན་པའི་ཕྱིར།། སྟོན་པ་དང་ནི་བསྟན་པ་འཁོར་རྣམས་ཀྱི།། རྩ་བ
iiif viewer powered by OpenSeadragon
