| e-texts navigator |
| Wylie |
288a1 ཟབ་མོ་རྒྱ་ཆེན་སོགས།། རང་བྱུང་ཡེ་ཤེས་ཀུན་གསལ་གཞི།། ཡོན་ཏན་རྒྱན་གྱི་དཀྱིལ་འཁོར་ལས།། མཛད་པ་སྣ་ཚོགས་ཀུན་ཏུ་སྣང་།། དེ་ནས་ཀུན་ཏུ་བཟང་པོ་དཔལ།། ཤེས་རབ་གཟུངས་དང
288a2 འཁྲིལ་སྦྱོར་ཞིང་།། ཕྱོགས་དུས་ཀུན་ཏུ་གཟིགས་དགོངས་ནས།། ཆོས་ཀུན་ཇི་ལྟར་སངས་རྒྱས་པ།། རང་གི་ངོ་བོ་བཤད་པར་མཛད།། སྟོན་པའི་བྱེ་བྲག་གྲངས་མེད་མོད།། གཉིས་སྣང་ཐུན་མོང་ཁྱད་པར་ཚུལ།། སྤྱི
288a3 ཡི་སངས་རྒྱས་སྣང་སྲིད་དངོས།། ཁྱད་པར་རྒྱུད་ཚུལ་རྟོགས་པའི་དོན།། རྒྱུ་འབྲས་གདུལ་བྱའི་སྣང་བ་བཞིན།། རིགས་མཆོག་དཀྱིལ་འཁོར་བླ་ན་མེད།། དངོས་པོར་གཟུངས་ཀྱང་བྱུང་བའི་ཚུལ་གྱིས་ནི།། བསྟན
288a4 པའི་དཀྱིལ་འཁོར་རིག་པའི་མཆོག། སྟོང་གསལ་རྡོ་རྗེ་ཐུགས་ཀྱི་དངོས།། སྲ་བརྟན་བདེ་གཤེགས་སྐུ་ཡི་མཆོག། ཚོགས་ཀྱང་བསྲེག་སྨིན་པདྨར་རྣམ་དག་གསུངས།། གཤེད་སྡུད་རིན་ཆེན་ཡོན་ཏན་ཚོགས།། གཡོ
288a5 ཡང་ལས་རབ་ཕྲིན་ལས་ཆེ།། ཡེ་ཤེས་ཆེན་པོའི་རྣམ་འཕྲུལ་ལས།། རིག་པ་སྟོང་པ་བྱིན་རླབས་ཏེ།། བདེ་ཆེན་བྱང་ཆུབ་སེམས་ཀྱིས་བརྒྱན།། ཀུན་སྣང་སྟོང་པ་གོ་སྙོམས་སྐྱེས།། ཟུང་དུ་འཇུག་པའི་མཚན་ཉིད
288a6 ཅན།། དེ་དག་སོ་སོར་མ་འགགས་པའི།། དཀྱིལ་འཁོར་གསང་བའི་ཐིག་ལེ་ཉིད།། འགྲོ་འདི་ཡེ་ནས་སངས་རྒྱས་ཏེ།། ཀུན་སྣང་རིགས་ཀྱི་དཀྱིལ་འཁོར་གསལ།། འདོད་ཆགས་གསང་གསུམ་དབང་མདོ
iiif viewer powered by OpenSeadragon
