| e-texts navigator |
| Wylie |
287a1 མེད།། མཚོན་ཆ་སྣ་ཚོགས་ཐོགས་པ་ཡིས།། ཡོན་ཏན་ཕྲིན་ལས་གཡུལ་ལས་རྒྱལ།། བརྗོད་འབྱུང་གསུང་སྙན་གསང་སྔགས་ཕྲེང་།། མི་རྟོག་ཡེ་ཤེས་ཀུན་ནས་གསལ།། དུས་ཀུན་བདུད་རྩིའི་ཚོགས
287a2 བྲལ་ཞིང་།། ཐམས་ཅད་མཛད་པར་རྣམ་པར་རོལ།། ཁྱོད་མིག་ཡེ་ཤེས་དྲི་མ་མེད།། ཀུན་འབྱུང་རྒྱ་མཚོ་གནས་མཁྱེན་པས།། ཐམས་ཅད་ཆོས་ཀྱི་དེ་བཞིན་ཉིད།། བྱང་ཆུབ་གསང་བའི་སྔགས་དོན་མཆོག། སྟོན་པ་ཇི
287a3 ལྟར་སངས་རྒྱས་པའི།། རྣམ་གྲོལ་གསང་འབྱུང་ལམ་འབྲས་བུ།། བྱིན་རླབས་རང་གི་ངོ་བོ་སྐུ།། ཚུལ་འབྱུང་གླེང་གཞི་ཇི་ལྟར་ཆགས།། གསང་གསུམ་དམ་ཚིག་གཙོ་བོ་ཡི།། དཀྱིལ་འཁོར་ཉམས་དགའ་མཐོང་བ
287a4 ལས།། རབ་ཏུ་གྲོལ་བའི་སངས་རྒྱས་གང་།། རིམ་པར་བྱུང་བ་ཚུལ་ཇི་ལྟར།། ཡེ་ནས་ལྷུན་གྱིས་གྲུབ་པའི་དབྱིངས།། རང་བཞིན་གནས་པའི་རྒྱལ་བ་མཆོག། དེ་ལས་རབ་ཏུ་གསལ་བྱས་པའི།། བྱིན་རླབས་ཆོ་འཕྲུལ
287a5 ཇི་ལྟར་སྣང་།། སྣ་ཚོགས་ངང་ཉིད་རང་བཞིན་སྐུ།། བདག་ཉིད་ཆེན་པོ་མི་དམིགས་པའི།། སོ་སོར་བརྟགས་པའི་ཆ་ཤས་ཉིད།། ཤེས་རབ་གདམས་དོན་སྤྱོད་པའི་ཡུལ།། སྤྲོས་བྲལ་དེ་བཞིན་ཉིད་རྟོགས་པའི།། དམ
287a6 པའི་ཤེས་པ་ཇི་ལྟར་སྐྱེས།། གང་ལ་མི་རྟོག་ཇི་བཞིན་ཉིད།། བསྒོམ་བྱ་འཇུག་པ་བདག་ཉིད་ཆེ།། མི་རྟོག་གནས་པ་མ་འགགས་ཆོས།། གསལ་བར་དྲོད་རྟགས་རྣམ་སྣང་སྐུ།། ཀུན་ཏུ་བཟང་པོ་འགྱུར་བ་མེད།། ཡོན
iiif viewer powered by OpenSeadragon
