| e-texts navigator |
| Wylie |
286b1 ལས།། གློ་བུར་འཁྲུལ་པའི་རིགས་རྣམས་ཀྱིས།། བྱང་ཆུབ་སེམས་ལས་རྟོགས་པའི་ཆོས།། ཆུ་ཡི་རླབས་ཀྱིས་རྒྱ་མཚོ་བཞིན།། མ་གཡོས་རང་སར་གནས་མ་རྟོགས།། རྒྱུ་རྐྱེན་འབྲས་བུའི་གནས་ལས་གཞན།། བྱང
286b2 ཆུབ་བདེ་ཆེན་དོན་བྲལ་བ།། དུས་འདིར་ཐུགས་རྗེ་ཆེན་པོའི་ཤུགས།། ཐབས་མང་ཐེག་བསྡུས་ངེས་མཆོག་དོན།། སྟོན་པའི་ཚུལ་ལྡན་ཁྱེད་རྣམས་ཀྱིས།། ལེགས་པར་བཟུང་བྱོས་བདག་གཞན་དོན།། སྔོན་གྱི་སངས
286b3 རྒྱས་རྣམས་ཀྱི་བཀའ།། དགོངས་པའི་དོན་མཆོག་གཉིས་མེད་པ།། ད་ལྟ་མ་འོངས་རླབས་པའི་ལམ།། གཉིས་མེད་འབྲས་བུ་ཐེག་པའི་མཆོག། ངེས་པར་ཆོས་ཀུན་སྔོན་གྱི་གནས།། བདེ་གཤེགས་འབྱུང་གནས་ཚུལ
286b4 ཀུན་ལྡན།། དེ་ལས་ལྷག་པའི་གནས་མེད་དེ།། རང་བྱུང་ཡེ་ཤེས་གསལ་བའི་རྒྱུན།། ཞེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར་བ་གསལ་བར་གནས་པའི་རྒྱུད་ལས།།
286b5 གླེང་སློང་བའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ལ།། རིགས་བཞིའི་རྒྱལ་བ་བདེ་གཤེགས་བཅས།། ཡུམ་ཚོགས་འཁྲིལ་པས་བསྟོད་བྱས་ཏེ།། མཆོད་ཅིང་ཕྱག་འཚལ་འདུན་པས་གནས།། ཨེ
286b6 མ་ཧོ་བདེ་གཤེགས་ཀུན་གྱི་སྐུ།། མཚན་བཟང་དཔེ་བྱད་ཕུན་སུམ་ཚོགས།། ཀུན་འབྱུང་སྣང་བ་འགག་མེད་པའི།། ཡོན་ཏན་རྒྱན་གྱི་རིན་པོ་ཆེ།། དཔེ་བྲལ་དཔེ་ཉིད་གྲངས་ལས་འདས།། རྡོ་རྗེ་ལྟ་བུར་འགྱུར་བ
iiif viewer powered by OpenSeadragon
