| e-texts navigator |
| Wylie |
286a1 ཡང་ཡང་གསོལ་བ་འདེབས།། གུས་པས་ཐལ་སྦྱར་རྩེ་གཅིག་པའོ།། རྒྱལ་བ་ཀུན་གྱི་དེ་བཞིན་ཉིད།། ཡེ་ཤེས་སྙིང་པོའི་གནས་བཞུགས་པ།། སྐུ་གསུང་ཐུགས་ལས་སྤྲུལ་པའི་ཚོགས།། རྒྱུ་རྐྱེན་མེད
286a2 པར་སྟོན་མི་མཛད།། བདེ་བ་རབ་སྟོན་གཙོ་བོ་མཆོག། ཐུགས་རྗེ་དྲི་མེད་དངོས་པོའི་དོན།། ཕྱོགས་བཅུའི་དཀྱིལ་འཁོར་ཀུན་སྣང་བ།། རྒྱུ་རྐྱེན་གང་ལས་བྱུང་བ་ཡིན།། འགོག་པ་མི་མངའ་ཐུགས་རྗེ
286a3 ཅན།། པདྨའི་སྤྱན་རིང་ཀུན་ཏུ་གཟིགས།། རྒྱལ་བ་རྒྱ་མཚོའི་དགོངས་དོན་གསང་།། དུས་འདིར་སྣང་བའི་སྐབས་ལ་སོགས་སོ།། དེ་ནས་ཀུན་བཟང་བདེ་ཆེན་དཔལ།། ཐམས་ཅད་ཆོས་ཀྱི་དོན་མངའ་བས།། རང
286a4 གནས་མ་གཡོས་ཀུན་ཏུ་སྣང་།། ཕྱོགས་བཅུར་སྟོན་པའི་ཚུལ་བཞུགས་ཤིང་།། པདྨའི་གར་གྱིས་གདུལ་བྱའི་ཚོགས།། ཀུན་འདུས་ཡེ་ཤེས་བསྐྱེད་པར་མཛད།། ཐམས་ཅད་གསང་བའི་དཀྱིལ་འཁོར་འདིར།། བྱང
286a5 སེམས་བདེ་བས་དབང་བསྐུར་ཞིང་།། དམ་ཚིག་ཆེན་པོའི་གནས་བསྟན་ཏེ།། བློ་གྲོས་སྣོད་ཀྱི་ཁྱད་པར་བཞིན།། རྫོགས་ཆེན་བྱང་ཆུབ་སེམས་ཀྱི་དོན།། ཐབས་མང་སྒོ་ནས་བསྟན་པར་དགོངས།། འདི་དག་ཐམས
286a6 ཅད་སངས་རྒྱས་ཉིད།། བྱང་སེམས་བདེ་བའི་སྙིང་པོ་ཅན།། ཡེ་ནས་གནས་ཏེ་འགྱུར་བ་མེད།། ཡོན་ཏན་ཚོགས་ཀྱིས་བརྒྱན་པའི་གཞི།། རྒྱུ་ཉིད་དག་སྟེ་རྐྱེན་འབྲས་བུ།། རྣམ་དག་བདེ་གཤེགས་དཀྱིལ་འཁོར
iiif viewer powered by OpenSeadragon
