| e-texts navigator |
| Wylie |
285a1 ཡིས།། ཡུལ་ལས་གྲོལ་བའི་ཕྲིན་ལས་བདག། སངས་རྒྱས་ཀུན་འདུས་སྟོན་པའི་གཙོ།། ཆེ་བ་མངའ་བརྙེས་ཚུལ་གྱིས་བརྒྱན།། ཀུན་ཏུ་ཆོས་སྐུ་འདུ་འབྲལ་མེད།། ཀུན་ཏུ་ལོངས་སྤྱོད་གནས་སུ
285a2 རྟགས།། ཀུན་ཏུ་སྦྲུལ་སྐུའི་རྒྱུན་ལྡན་པ།། ཀུན་ཏུ་འཁོར་བ་མྱ་ངན་འདས།། ཆོས་དབྱིངས་གྲོང་ཁྱེར་ཉམས་དགའ་བ།། འོག་མིན་མངོན་པར་མཐོ་བའི་ཞིང་།། གནས་མཆོག་སྟུག་པོ་བཀོད་པའི་ཁམས།། གནས་ཀུན།
285a3 ཟིལ་གྱིས་གནོད་བྱེད་པའི།། རྣམ་པར་འཕགས་པའི་ཐེག་པས་བསྟོད།། ཡོན་ཏན་མ་འགགས་པ་ཡི་བརྒྱན།། དུས་གསུམ་སངས་རྒྱས་བཞུགས་པ་ཡི།། གནས་མང་འདུས་པའི་མཆོག་རྒྱན་ཅན།། དམ་པ་རིན་ཆེན
285a4 ཚོགས་ཀྱིས་སྤྲས།། འདོད་ལོངས་བསམ་པས་འགྲུབ་པ་དང་།། དཀྱིལ་འཁོར་ལྷ་མོའི་རྒྱན་བཅས་པའི།། ཁང་པ་གྲུ་བཞི་སྒོ་ཁྱུད་ཅན།། སྒོ་ཁང་རྟ་བབས་རྒྱན་གྱིས་མཛེས།། ཏཱ་ར་ཎ་བཞིའི་ཚོགས་བཀོད་པ།། རྡོ་རྗེ
285a5 འཁོར་ལོ་རིན་ཆེན་གཟུགས།། པདྨ་སྣ་ཚོགས་མཚན་མ་ཡིན།། ཀ་གདུང་ཕྲེང་བ་སྟེང་འོག་ལོགས།། པ་ཏྲའི་ཕྲེང་བ་ཕྱོགས་དང་མཚམས།། རྣམ་གསལ་ཤར་བུ་དོ་ཤལ་དང་།། འཕན་གདུགས་རྒྱལ་མཚན་རྔ་ཡབ
285a6 དྲིལ།། རིན་ཆེན་འབར་བའི་ཁྲི་སྟེང་ལ།། ཟླ་བ་ཉི་མ་པདྨའི་གདན།། སྟོབས་མཆོག་མི་འཇིགས་རྫུ་འཕྲུལ་དང་།། ཐོགས་མེད་ཤེས་བྱའི་གང་ཆེན་མཚོ།། རང་གི་དེ་བཞིན་ཉིད་ལ་བཞུགས།། དེ་ཚེ་འཁོར་ཚོགས་རྒྱ
iiif viewer powered by OpenSeadragon
