| e-texts navigator |
| Wylie |
284a1 ཚོགས།། ཕྱོགས་བཅུ་ཀུན་ནས་འདུས་པ་དག། བདེ་གཤེགས་སྐུ་ལས་སྣང་བ་སྟེ།། བྱང་ཆུབ་ཆོས་ཉིད་རྩལ་རྫོགས་པ།། བྱམས་པ་འཇམ་དཔལ་ལ་སོགས་པའི།། རྡུལ་ཕྲན་གྲངས་མེད་དཀྱིལ་འཁོར
284a2 ཀུན།། བཀོད་པ་ཆེན་པོ་ཚུལ་བཞིན་དུ།། རང་རིག་ཕྱོགས་མཚམས་གནས་ཏེ་འཁོད།། དེ་ལྟར་ཆོས་དབྱིངས་རྒྱ་ཆེན་པོ།། བདེ་གཤེགས་སྲས་བཅས་མ་ལུས་དང་།། རང་བཞིན་ལྷུན་གྲུབ་སངས་རྒྱས་ཀྱི།། འོག་མིན།
284a3 གནས་བཞིན་ཀུན་ཏུ་ཁྱབ།། དེ་དག་གསང་བ་བླ་མེད་པའི།། ཏིང་ངེ་འཛིན་ལ་སྙོམས་ཞུགས་ནས།། ཆོས་རྣམས་ཀུན་གྱི་དེ་བཞིན་ཉིད།། སྐུ་གསུང་ཐུགས་ལ་སྟོན་པར་མཛད།། བདེ་གཤེགས་ཐུགས་ཀྱི་ཐུགས
284a4 མཆོག་ནས།། རིམ་བཞིན་བརྒྱུད་པའི་གཞན་དོན་དུ།། ཟབ་ཅིང་རྒྱ་ཆེ་གཉིས་མེད་པའི།། རྒྱུད་འདི་བསྟན་པའི་ཚུལ་འབྱུང་བའོ།། བློ་མཆོག་བྱང་ཆུབ་སེམས་དཔའ་དག། རྒྱལ་བའི་ཡུལ་ལ་འཇུག་བྱའི་ཕྱིར།། ངེས
284a5 དོན་ཚིག་གིས་མཚོན་བྱེད་པ།། རྣམ་འཕྲོས་སྙན་ནས་སྙན་དུ་གྲགས།། སྤྱི་ཡི་སྟོན་པ་གནས་མཆོག་འཁོར།། ཁྱད་པར་རྒྱུད་ཀྱི་ཚུལ་འབྱུང་བས།། དུས་ལྡན་སྡུད་པོ་ཚད་མ་ཏེ།། ཕུན་སུམ་ཚོགས་པའི་རྒྱུར་གྱུར
284a6 པའོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར་བ་གསལ་བར་གནས་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། བདེ་ཆེན་ཀུན་ཏུ་བཟང་པོ་ཉིད།། རང་གི་ཏིང་འཛིན་གནས
iiif viewer powered by OpenSeadragon
