| e-texts navigator |
| Wylie |
283b1 རྒྱལ།། ཐམས་ཅད་མཁྱེན་པ་ལྷ་ཡི་ལྷ།། གཞལ་ཡས་ཁྱད་པར་འཕགས་པའི་ཚུལ།། མཚན་མཆོག་སུམ་ཅུ་རྩ་གཉིས་དང་།། དཔེ་བྱད་བརྒྱད་ཅུའི་བདག་ཉིད་ཅན།། བདེ་བའི་ཡེ་ཤེས་ཀུན་འབྱུང་གནས།། སྟོབས་པ
283b2 ཅུ་ཁྱུ་མཆོག་ལྟར་མཛེས་ཤིང་།། དྲག་པོའི་ལས་སྟོབས་འཇོམས་པར་བྱེད།། མི་འཇིགས་བཞི་ལྡན་སེང་གེའི་ཚུལ།། དཔའ་བོ་ཆེན་པོ་གཞན་གནས་འཇོམས།། དམ་པའི་ལོངས་སྤྱོད་རྒྱན་བཀླུབས་ཤིང་།། དབང
283b3 བཅུས་བཙུན་མོ་ལྟ་བུར་གཤེགས།། བྱིན་རླབས་འཁོར་ལོ་བསྒྱུར་རྒྱལ་བཞིན།། སྣ་ཚོགས་ཆོས་ལ་ལོངས་སྤྱོད་རྫོགས།། ཀུན་འབྱུང་རོལ་པ་ཀུན་ཏུ་བཟང་།། ཕྱོགས་བཅུའི་སྣང་བ་མཐའ་ཡས་ལས།། རང་གི་དཀྱིལ
283b4 འཁོར་ཚུལ་བཞིན་སྟོན།། ཀུན་མཛེས་འཁོར་ལོ་ཀུན་འབྱུང་ཞིང་།། རབ་བཞག་མེ་ཏོག་རྒྱ་མཚོའི་རླབས།། འོད་ཟེར་སྣང་བ་སྤྲིན་གྱི་ཤུགས།། ལས་རབ་རྡོ་རྗེ་ཆེ་བའི་སྡེ།། གོ་ཆ་སྲ་བ་ཐེག་མཆོག་བརྒྱན།། དཔལ་གྱི
283b5 ནམ་མཁའ་འདྲ་བའི་འོད།། ཡེ་ཤེས་སྙིང་པོ་གླུ་ཡི་དབྱངས།། ཕྱོགས་གནོན་གཟི་བརྗིད་ཕྲེང་རྒྱལ་བ།། བྱང་ཆུབ་བརྩེགས་མཛད་སྙིང་པོ་ཅན།། ལས་ཚོགས་འཇུག་པ་ཐར་པའི་གྲུ།། རྡོ་རྗེ་སྣང་བ་ཚུལ་རྣོན
283b6 པོས།། ཕྱོགས་རྣམས་ཀུན་ནས་བསྐུལ་མཛད་དོ།། འབྲུ་ཡི་ཕུང་པོ་ཚུལ་མཆོག་ཤིས།། རང་གནས་ཞིང་ཁམས་དཀྱིལ་འཁོར་ཀུན།། མ་ལུས་འདུས་པའི་ཐིག་ལེ་ཆེ།། གཞན་ཡང་བྱང་ཆུབ་སེམས་དཔའི
iiif viewer powered by OpenSeadragon
