| e-texts navigator |
| Wylie |
283a1 རྩལ་འགག་མེད་ཆོས།། སྒྲིབ་མེད་ནོར་བུའི་མདངས་ལྟ་བུ།། ཐམས་ཅད་ཡིད་ལ་མི་གཞག་པའི།། དེ་ཉིད་གསུམ་དུ་སངས་རྒྱས་པའོ།། ཟབ་མོའི་མཚན་ཉིད་བརྗོད་པའི་ཚིག། སྒྲ་ལས་འདས་པའི་ཚུལ
283a2 འཇུག་ཅིང་།། ཆོས་རྣམས་ཐམས་ཅད་དེ་ལྟ་བུ།། དཔེ་ཡི་ཐ་སྙད་ཀུན་ཏུ་བྲལ།། རང་ཉིད་ངོ་བོས་སྟོན་བྱེད་པའི།། མཐར་ཟུག་ཆོས་ཀུན་རྒྱལ་བའི་གསུང་།། ཐེག་པའི་བྱེ་བྲག་རྒྱ་ཆེན་པོ།། མ་ལུས་ལུས་པ་མེད་པར
283a3 སྒྲོགས།། སོ་སོའི་མཚན་ཉིད་གསལ་སྟོན་ཅིང་།། ཐབས་མཁས་འགྲོ་བའི་རྒྱུད་སྨིན་མཛད།། ཐམས་ཅད་གཟོད་ནས་ཞི་བའི་ཆོས།། ནམ་མཁའ་ལྟ་བུར་སྐྱེ་འགག་བྲལ།། རང་བཞིན་ལྷུན་གྲུབ་འགྱུར
283a4 བ་མེད།། གཅིག་ཏུ་མ་ངེས་སྣ་ཚོགས་དངོས།། མ་འདྲེས་ཡོངས་རྫོགས་གསལ་བ་ཡི།། ཡུལ་སེམས་གཉིས་མེད་མེ་ལོང་ལྟར།། གཉིས་ཅན་དངོས་ཅན་མ་ལུས་པ།། མཐའ་རྣམས་ཀུན་ལས་གྲོལ་བ་ཡིས།། ཟུང
283a5 འཇུག་གཉིས་མེད་གཉིས་སུ་གསལ།། བདག་དོན་རྫོགས་པའི་སྟོབས་རྫོགས་པའོ།། གདུལ་བྱའི་དབང་པོ་ཁམས་རྣམས་དང་།། སྐྱེ་མཆེད་བྱེ་བྲག་ཅི་ལྟ་བ།། དུས་ཕྱོགས་རྒྱུན་ཀུན་བསྡུས་པ་རྣམས།། སོ་སོར་རྟོགས
283a6 གསལ་རྒྱུ་འབྲས་བཞིན།། རྫོགས་པའི་རྩལ་གྱིས་ཀུན་དོན་སྤྱོད།། བྱ་བ་མཐར་ཕྱིན་སྐྱོ་ངལ་མེད།། བདག་ཉིད་ཆེན་པོའི་རང་བཞིན་ལ།། སྤྲོས་མེད་སྙིང་པོ་བྱང་ཆུབ་སྐུ།། རྩོལ་སེམས་ཡུལ་བྲལ་བདེ་ཆེན
iiif viewer powered by OpenSeadragon
