| e-texts navigator |
| Wylie |
282a1 ཡང་མི་བསམ་བསམ་པ་རྟོགས་པའི་རྒྱུན།། དགོངས་པ་རང་བྱུང་ལྷུན་གྲུབ་ཁྱོད་ཕྱག་འཚལ།། བལྟར་མེད་སྤྱད་མེད་མཐོང་མང་ཡེ་ནས་དེ་བཞིན་ཉིད།། ལྔ་པའི་རྒྱལ་པོར་ཕྱག་འཚལ་གཉིས་མེད་ཁྱོད
282a2 ལ་འདུད།། མཐོང་བར་མི་རིག་བརྡ་ཚིག་ཀུན་དང་བྲལ།། མ་བྱས་མ་བསྒྲུབས་མ་བཙལ་ལྷུན་གྱིས་གྲུབ་པའི་ངང་།། རང་གསལ་མ་བཅོས་རིག་པ་གང་ཡང་མིན།། ཐིག་ལེ་འཕྲོ་འདུ་མ་ཡིན་བདག་ཉིད་ལྷུན་གྱིས
282a3 གྲུབ།། ཕྱོགས་བྲལ་ལྷུན་གྲུབ་འོད་གསལ་རིག་པ་རང་བྱུང་དབྱིངས།། རྩོལ་འཇིག་མི་གནས་གསལ་བའི་མར་མེ་འདྲ།། བསྟན་པའི་རྒྱལ་པོ་ཡང་གསང་རིག་པའི་གཏེར་ལ་འདུད།། དེ་ནས་གསང་བའི་ཡང་གཏེར
282a4 འདི།། རིན་ཆེན་གསལ་བའི་གླེགས་བམ་འདི།། སྟོན་པ་རྡོ་རྗེ་སེམས་དཔའ་ཡིས།། གསལ་བའི་རིག་པ་རྒྱས་བཏབ་ནས།། མཁའ་དཀྱིལ་སྦས་པ་ལྷ་དབང་གི།། སྤྱིས་བླང་ཡང་དག་དབང་ཐོབ་ནས།། སྤྲུལ་པ་ཉིད
282a5 ལ་རབ་ཏུ་བཤད།། དེ་ནས་རྡོ་རྗེའི་གདན་སྟེངས་སུ།། ཡང་སྦྲུལ་ཐུགས་ཀྱི་སྲས་རྣམས་ལ།། རྒྱལ་ཐབས་སྤྱི་བླུགས་དབང་བསྐུར་ནས།། མ་བགྲོད་རྟོག་པའི་འཇིག་ལས་བསྒྲལ།། རྣམ་གྲོལ་ས་ལ་བདེ་བར
282a6 གཤེགས།། དེ་བཞིན་འོད་གསལ་རྣལ་འབྱོར་ལ།། ཤེས་རབ་དག་པས་མཉམ་སྦྱོར་ན།། རྫོགས་ཆེན་ལྷུན་གྲུབ་ས་ལ་སྦྱོར།། གང་ཞིག་དད་པས་འཛིན་ཀློག་ལ།། བསོད་ནམས་བརྗོད་པར་མི་ནུས་ཏེ།། སྐལ་བ
iiif viewer powered by OpenSeadragon
