| e-texts navigator |
| Wylie |
281b1 ལྷུན་གྱིས་གྲུབ་པའོ།། མ་ཡེངས་ཡལ་བཞག་དགོངས་པའོ།། བསམ་མེད་རིག་པའི་གདེང་གིས་ཞི།། སྦྱངས་པ་མ་ཡིན་གདོད་ནས་དག། མ་བགྲོད་བླ་མའི་ས་མཆོག་ནི།། དུས་གཅིག་གནས་པས་བགྲོད་དུ
281b2 མེད།། ཕྱག་རྒྱ་མི་འཆིང་སྔགས་མི་ཟློས།། ཚོགས་དང་མཆོད་པ་མི་བྱེད་དེ།། ཁ་དོག་བྲི་དང་མཆོད་པ་ཡང་།། མ་བྱས་དངོས་གྲུབ་མཆོག་ཏུ་གྱུར།། ཇི་སྲིད་རྩོལ་བའི་རྣམ་གྲངས་དགའ།། དེ་སྲིད་ལོག་པའི་གྲོང་ཁྱེར
281b3 ཏེ།། མ་བཙལ་མ་སྦྱངས་གདོད་ནས་དག། སྙིང་པོ་རིག་པའི་ཕྱག་རྒྱ་ཅན།། གསང་བ་འོད་གསལ་ཀློང་ལ་འཇུག། བརྗོད་བྲལ་སྒྲ་ཡི་དཀྱིལ་འཁོར་ལ།། ཉན་བྲལ་རིག་པའི་ཚུལ་གྱིས་གསལ།། གསལ་བ་ཉིད་ན་མི
281b4 དམིགས་པས།། རྟོག་བྲལ་ནམ་མཁའ་དབྱིངས་ཀྱི་ཀློང་།། འདི་ཞེས་བྱ་ཞིང་དམིགས་པ་མེད།། ཇི་ལྟར་གནས་པ་དེ་བཞིན་གནས།། རང་བཞག་རིག་པ་ཡེངས་མེད་ཀློང་།། ཕྱོགས་མེད་ཡེ་ཤེས་ཁྱབ་པར
281b5 གསལ།། གཉིས་མེད་ནམ་མཁའི་དབྱིངས་ལྟར་གསལ།། ཡེ་ཤེས་བདུན་འབྱུང་གི་རྒྱུད་ལས། ཡེ་ཤེས་གྲུབ་པའི་ལེའུ་སྟེ་བདུན་པའོ།། །། དེ་ནས་གསང་བའི་བདག་པོས། འཁོར་བསམ་གྱིས་མི་ཁྱབ་པ་དང
281b6 བཅས་པས། རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས། རང་གསལ་ལྷུན་གྱིས་གྲུབ་པས་རྩོལ་བ་ཀུན་དང་བྲལ།། བསམ་མེད་དཔྱད་འཛིན་བྲལ་བས་དགོངས་པ་དམ་པ་མཆོག། ཅི
iiif viewer powered by OpenSeadragon
