| e-texts navigator |
| Wylie |
281a1 འབྱུང་།། གསལ་བ་མཐའ་དབུས་མེད་པ་ལ།། རིག་པ་མཉམ་པའི་སེམས་ཀྱིས་བལྟ།། གཏང་འཛིན་མེད་པའི་རིག་པ་ཡིས།། རང་བྱུང་ལྷུག་པར་གཞག་པར་བྱ།། རང་བྱུང་རིག་པ་ཅིར་མི
281a2 དགོངས།། རང་གསལ་འཁོར་ལོ་རྒྱུན་མི་གཅད།། ཡེ་ཤེས་བདུན་འབྱུང་གི་རྒྱུད་ལས། ཡེ་ཤེས་འཁོར་ལོའི་ལེའུ་སྟེ་དྲུག་པའོ།། །། ཀྱེ་སེམས་དཔའ་ཆེན་པོ། རང་བཞག་རིག་པའི་དགོངས་པ་ནི།། ཇི་བཞིན
281a3 མངོན་དུ་གསལ་བྱས་ནས།། རིན་ཆེན་འབར་བའི་འོད་གསལ་བས།། སེམས་ཀྱི་དཀྱིལ་འཁོར་འབར་བར་བྱེད།། འཛིན་བྲལ་རིག་པའི་ཆོས་དབྱིངས་ལ།། བསམ་མེད་འགྱུར་མེད་མཁའ་ལྟར་གནས།། བསམ་གྱིས
281a4 མི་ཁྱབ་ཆོས་ཀྱི་དབྱིངས།། གང་དག་བྱིས་པའི་འདུ་ཤེས་ཀྱིས།། རང་བྱུང་རིག་པའི་ཡེ་ཤེས་ལ།། བསམ་བྲལ་རིག་པའི་མཚན་ཉིད་དེ།། བསྟན་པ་དོན་གྱིས་གོ་བར་ཟད།། དངོས་གྲུབ་རིན་ཆེན་འོད་ལྟར
281a5 འབྱུང་།། ཟག་མེད་ཕྲ་བཀོད་མཁའ་དཀྱིལ་ལ།། ཉི་ཟླ་གཟའ་སྐར་བཀྲམ་པ་ལྟར།། མ་འདྲེས་རིག་པ་དབྱིངས་ལ་གསལ།། དེ་ཉིད་མི་གནས་རང་བཞིན་ནི།། ཀུན་འབྱུང་རིན་ཆེན་ཕྱོགས་མེད་ཤར།། འཕེལ་འགྲིབ
281a6 རྟོག་པ་མི་གནས་པས།། ཉི་མའི་འོད་ལྟར་ལྷུན་གྲུབ་པ།། ཀུན་ལ་ཇི་ལྟར་འདོད་པར་འཆར།། མཁའ་ལྟར་ཁྱབ་ལ་གསལ་བ་ཆེ།། མི་རྟོག་དབྱིངས་ཀྱི་ངང་ལ་གསལ།། འོད་དང་འོད་ཅན་ཇི་བཞིན་དུ།། མ་བཙལ
iiif viewer powered by OpenSeadragon
