| e-texts navigator |
| Wylie |
280b1 པ་མེད་པས་ན།། བསམ་མེད་དྲན་མེད་མི་གཡོ་བ།། རྣམ་པར་མི་རྟོག་མཆོག་གི་ལུང་།། སྤྱོད་ལམ་རྣམ་བཞི་མི་གནས་པས།། མི་ལྡོག་ཡེ་ཤེས་ངོ་བོར་གསལ།། སྣང་བ་རྣམ་རྟོག་ཅིར་མི་བལྟ།། དྲན་འབྱུང་རྟོག་པའི
280b2 རྗེས་མི་འབྲང་།། མ་བསྐུལ་མ་རྙོགས་ཆུ་བཞིན་དུ།། མ་བསལ་བཞག་པས་སྒྲིབ་པ་འབྱུང་།། མི་རྟོག་མཁའ་ལྟར་གསལ་བ་ལ།། ཡེ་ཤེས་ཉི་མ་ཕྱོགས་བརྡལ་བས།། ཇི་བཞིན་རང་བཞིན་རྣམ་པར་དག། རྒྱ་མཚོ་གཡོ
280b3 མེད་ཇི་བཞིན་དུ།། རྣམ་རྟོག་མི་གཡོ་ཅིར་མི་དགོངས།། རང་བྱུང་གསལ་བ་ནམ་མཁའ་ཆེ།། མ་ལུས་གསང་བ་ཉིད་ལ་འདུས།། གསང་བ་ཀུན་འདུས་རིག་པའི་གཏེར།། མཁའ་ཁྱབ་རིག་པའི་སེམས་ཉིད་ནི།། ཁྱབ
280b4 པར་གསལ་ལ་འཛིན་པ་མེད།། རང་བྱུང་རིག་པ་རང་ཤར་བ།། ཁྱབ་པར་གསལ་ལ་དངོས་པོ་མེད།། རང་རིག་གསལ་བའི་ཡེ་ཤེས་ཀྱིས།། མ་བསྒྲིབས་གསལ་བ་ཉིད་དུ་མཁྱེན།། རྟོག་མེད་འོད་གསལ་སེམས་ཀྱི
280b5 དབྱིངས།། གསང་བ་རང་བྱུང་རིག་པའི་ཀློང་།། རྫོགས་ཆེན་ཐིག་ལེ་ཇི་བཞིན་ལ།། མཉམ་པར་དགོངས་མེད་རིག་པས་གཞག། བྱུང་ཚོར་གཡོ་འགོག་ཇི་སྙེད་པ།། གསལ་མེད་རིག་པ་ཉིད་ཀྱི་གསལ།། རྫོགས་ཆེན
280b6 མ་བཅོས་དགོངས་པ་ལ།། གང་ལྟར་བཅོས་པ་ལོག་པའི་ལམ།། མ་བཅོས་རིག་པ་མཉམ་སྦྱར་ན།། སྒྲོ་བྲལ་རིག་པའི་འཁོར་ལོ་ལས།། ཐུགས་རྗེ་རིག་པའི་བྱིན་རླབས་ནི།། མ་བཙལ་ཉི་མའི་འོད་ལྟར
iiif viewer powered by OpenSeadragon
