| e-texts navigator |
| Wylie |
280a1 རྟོགས་ན།། མི་རྟོག་རྣམ་གྲོལ་བདེ་བར་གཤེགས།། གསལ་ལ་ཉམས་མྱོང་གང་ཡང་མིན།། འདུ་ཤེས་ཀུན་བྲལ་དབྱིངས་ཉིད་དུ།། རིག་པ་མཁའ་ལྟར་གནས་པར་བྱ།། ཚད་མ་མངོན་སུམ་ཆེན་པོ
280a2 ལ།། རྗེས་དཔག་ཤེས་པ་ཕྱིན་ཅི་ལོག། མངོན་འབྱུང་རང་གསལ་རིག་པ་ལ།། རྗེས་འཇུག་མཚན་མ་ཅིར་མི་དགོངས།། གཉིས་མེད་གསལ་བར་རྟོགས་པ་ལ།། མི་བསམ་མི་སྤྱད་གནས་ན་གྲོལ།། ཇི་ལྟར་གནས
280a3 པས་བཞག་པར་བདེ།། རང་བཞག་རིག་པ་ཆེན་པོ་ལ།། ཡེངས་པ་མེད་པས་ཡང་སངས་རྒྱས།། ཡེ་ཤེས་གསལ་བར་གནས་པ་ཡིས།། ཆེ་མཆོག་བླ་ན་མེད་པའི་ས།། ངེས་རྟོགས་ལུང་གིས་དེ་མ་ཟག། རང་བྱུང་བྱིན
280a4 རླབས་ངོ་མཚར་ཆེ།། གསང་བའི་མེ་ལོང་ཐབས་ཀྱི་ཚུལ།། འདུ་ཤེས་བྲལ་བས་རབ་ཏུ་བདེ།། ཡེ་ཤེས་བདུན་འབྱུང་གི་རྒྱུད་ལས། ཡེ་ཤེས་གསང་བའི་ལེའུ་སྟེ་ལྔ་པའོ།། །། ཀྱེ་སེམས་དཔའ་ཆེན་པོ། རང་བྱུང
280a5 རིག་པ་མཆོག་ཉོན་ཅིག། རྡོ་རྗེ་གསང་བ་རང་བྱུང་བ།། རྒྱུ་མེད་རྐྱེན་བྲལ་ཆོས་ཀྱི་སྐུ།། རིག་པའི་འཁོར་ལོ་བསམ་མི་ཁྱབ།། གསང་བའི་འཁོར་ལོ་རྟོགས་པར་དཀའ།། ཡེ་ཤེས་འཁོར་ལོ་གསང་བའི་ངང་།། ཏིང
280a6 འཛིན་གསལ་བའི་མར་མེ་ལ།། བསམ་པའི་འཛིན་པ་ཀུན་དང་བྲལ།། ཀུན་ལ་གནས་ཀྱང་བསམ་དང་བྲལ།། མཁའ་གསལ་མཉམ་པ་རིག་པའི་དཀྱིལ།། སྣང་འབྱུང་རིག་པ་འབུམ་ཕྲག་ཡས།། གསལ་ལ་དམིགས
iiif viewer powered by OpenSeadragon
