| e-texts navigator |
| Wylie |
27b1 རྒྱལ་པོ་ཡིན་པའི་ཕྱིར།། ཆོས་ཐམས་ཅད་ཀྱི་སྤྱི་ལུང་བཤད་པའི་བཤད་ལུགས་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ང་ནི་ཆོས་ཀྱི་སྤྱི་ལུང་ཡིན་པའི་ཕྱིར།། གཏན་ཚིགས་དོན་གྱི་བཤད་ལུགས་ལྔ
27b2 ནི།། སྤྱི་དོན་རྣམ་པ་ལྔ་ཡིས་བཤད་པ་སྟེ།། ལོ་རྒྱུས་དོན་གྱི་བཤད་ལུགས་བསྟན་པ་དང་།། རྩ་བ་དོན་གྱི་བཤད་ལུགས་བསྟན་པ་དང་།། ཡོ་ག་དོན་གྱི་བཤད་ལུགས་བསྟན་པ་དང་།། དགོས་པ་དོན་གྱི་བཤད་ལུགས
27b3 བསྟན་པ་དང་།། ཚིག་གི་དོན་གྱི་བཤད་ལུགས་བསྟན་པའོ།། དང་པོ་ཡིད་ཆེས་པ་ཡི་ཁུངས་བསྟན་ཕྱིར།། ལོ་རྒྱུས་དོན་གྱི་བཤད་ལུགས་བསྟན་པར་བྱ།། ཆོས་ཀུན་རྩ་བ་སེམས་སུ་འདུས་པའི་ཕྱིར།། དེས་ན་རྩ་བའི
27b4 དོན་དེ་བསྟན་པར་བྱ།། ཐེག་པའི་ཁྱད་པར་སོ་སོར་དབྱེ་བའི་ཕྱིར།། ཡོ་ག་དོན་གྱི་རྩ་བ་བསྟན་པར་བྱ།། རྩོལ་སྒྲུབ་བྱ་མི་དགོས་པར་བསྟན་པའི་ཕྱིར།། དགོས་ཆེད་དོན་གྱི་དགོས་པ་དེ་རུ་བསྟན།། མི་རྟོགས་དོན་དེ
27b5 རྟོགས་པར་བྱ་བའི་ཕྱིར།། ཚིག་གི་དོན་དེ་སྒྲ་རུ་བརྗོད་པར་བྱ།། ཀྱེ་སེམས་དཔའ་ཆེན་པོ།། ལོ་རྒྱུས་དོན་གྱི་དགོས་པ་བསྟན་པ་ནི།། དང་པོར་ཡིད་ཆེས་པ་ཡི་ཁུངས་བསྟན་ཕྱིར།། ལོ་རྒྱུས་དོན་གྱི་བཤད་ལུགས
27b6 བསྟན་པ་ནི།། རང་བཞིན་བྱིན་གྱིས་བརླབས་ཀྱིས་བཤད་ལུགས་དང་།། རང་གི་ངོ་བོ་བསྟན་པའི་བཤད་ལུགས་དང་།། དོན་གྱི་སྒྲ་ཚིག་བསྡེབས་པའི་བཤད་ལུགས་སོ།། ཀུན་བྱེད་ང་ཡི་རང་བཞིན་རྣམ་གསུམ
iiif viewer powered by OpenSeadragon
