| e-texts navigator |
| Wylie |
27a1 དག་པ་ཡི་རང་བཞིན་ལ།། བསྙེན་སྒྲུབ་རྣམ་བཞེས་སྒྲུབ་འདོད་རྟོག་བྱེད་པ།། ཐམས་ཅད་ཀུན་བྱེད་བྱང་ཆུབ་སེམས་ང་ཡིས།། སེམས་ལས་གཞན་མ་ཡིན་རྟོག་དྲལ་ནས་ནི།། སོ་སོར་རྟོག་པའི་ཉོན
27a2 མོངས་ཕྲེང་ཐག་གཅོད།། ཅེས་གསུངས་སོ།། ཀྱེ་སེམས་དཔའ་ཆེན་པོ།། ཀུན་བྱེད་རྒྱལ་པོ་བྱང་ཆུབ་སེམས་ང་ནི། ཁྱོད་ཀྱིས་ང་ཡི་རང་བཞིན་འདི་རྟོགས་ལ།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། ང
27a3 ལས་གཞན་མེད་པ་རུ་ལུང་སྟོན་ཅིག་ཁྱོད་ཀྱིས་ང་ཡི་ལུང་འདི་བསྟན་འགྱུར་ན། ཁྱོད་ལ་འདུས་པའི་འཁོར་ཚོགས་ཐམས་ཅད་ཀྱིས།། ཀུན་བྱེད་ང་ཡི་རང་བཞིན་རྟོགས་གྱུར་ནས།། ཀུན་ཀྱང་ང་ཡི་རང་བཞིན་ཉིད་དུ
27a4 འགྱུར།། ཀུན་ཀྱང་ང་ཡི་རང་བཞིན་གྱུར་པ་ན།། ཇི་ལྟར་སྣང་བའི་ཆོས་རྣམས་ཐམས་ཅད་ལ།། ཀུན་ཡང་སྤོང་འགེགས་བདེན་གཉིས་སྦྱོང་མི་བྱེད།། གཙང་སྦྲས་དག་གསུམ་བྱིན་གྱིས་རློབ་མི་བྱེད།། ཏིང་འཛིན
27a5 སེམས་བསྐྱེད་རྩོལ་དང་སྒྲུབ་མི་བྱེད།། ཐམས་ཅད་ཀུན་བྱེད་ང་རུ་བྱས་ཟིན་པས།། ཀུན་བྱེད་ང་རུ་ཐམས་ཅད་མཉམ་པ་ཉིད།། མཉམ་ཉིད་ང་ཡིས་མཉམ་ཉིད་བྱ་མི་དགོས།། མཉམ་ཉིད་བྱ་མི་དགོས་པར་སྔར་ལུང
27a6 བསྟན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ངེས་པར་ལུང་ཁུངས་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ལུང་ཐམས་ཅད་ཀྱི
iiif viewer powered by OpenSeadragon
