| e-texts navigator |
| Wylie |
279b1 དྲུག་ལོག་པའི་རྩོལ་བརྒྱད་ཀྱིས།། མ་བཅོས་གསང་བའི་དགོངས་པ་བསླད།། འཛིན་སེམས་ལོག་པའི་ལྕགས་ཀྱིས་བཅིངས།། མཚན་མ་འཁོར་བའི་འདམ་དུ་བཟུང་།། ཞེན་ཆགས་ལོག་པའི་མདུད་པས
279b2 བཅིངས།། ཕྱོགས་བྲལ་ཕྱོགས་སུ་བསླབ་པས་འཁོར།། ལོག་པའི་རི་བོས་མངོན་དུ་བཀག། སྤྲོས་བྲལ་འབར་བའི་ཡེ་ཤེས་ལ།། མཐའ་ཡི་ཞེན་པ་མི་གནས་ཀྱང་།། དོན་ལ་ལོག་པའི་བྱིས་པ་ཡིས།། རྣམ་རྟོག་འཁོར
279b3 བའི་ཁམས་སུ་བརྟགས།། དུང་ལ་སེར་པོར་འཛིན་པ་ལྟར།། དངོས་ལ་གནས་པ་མ་ཡིན་ཀྱང་།། ལོག་པར་མངོན་པར་ཞེན་པའི་མཐུས།། རང་སྣང་མ་བཅོས་ཞེན་པར་བརྟགས།། ཡོད་མེད་མཐོང་བ་འཁྲུལ་པའི
279b4 ལམ།། དེ་ཉིད་མཐོང་བས་གྲོལ་བར་འགྱུར།། སྤང་འགེག་འཁྲུལ་པ་ངལ་བའི་ལམ།། མ་བཅོས་རྟོགས་པས་གོལ་བར་འགྱུར།། གཟུང་འཛིན་ལྟ་བ་གཉིས་ཀྱི་ཆོས།། གཉིས་འཛིན་བྲལ་བས་གྲོལ་བར
279b5 འགྱུར།། གཉིས་ཀྱིས་གཅིག་པའི་ཉེས་མེད་ལམ།། གཅིག་ཏུ་རྟོག་པས་གྲོལ་བའི་ལམ།། སྤོང་ལེན་མཐོང་བ་ཆེ་ཆུང་ལ།། གསང་བའི་ངེས་བསྟན་གཅིག་གིས་གྲོལ།། བསྙེན་བསྒྲུབ་དག་པས་དག་པ་བསྒྲུབ།། ཡེ
279b6 ནས་ཟིན་པས་གཟོད་སྒྲུབ་རྩོལ།། བཙལ་མེད་རྟོག་པས་གྲོལ་བར་འགྱུར།། རྒྱུ་འབྲས་འཛིན་པ་གཉིས་ཀྱི་ལམ།། གཉིས་མེད་རིག་པ་འགྲུབ་པར་འགྱུར།། བརྡ་དོན་ཕྲད་པའི་རིམ་པ་ཡིས།། རིག་པ་གསལ་བའི་དོན
iiif viewer powered by OpenSeadragon
