| e-texts navigator |
| Wylie |
278b1 མཛད་པའི་ངེས་པ་ཅན།། ཁམས་གསུམ་སྐུ་གསུང་ཐུགས་གསལ་བས།། སྐུ་གསུམ་ཞིང་དུ་རིག་པས་སྦྱོར།། ཡེ་ཤེས་རོལ་པ་རང་འཆར་བས།། ཕྱོགས་རིས་མེད་པ་ཀུན་ལས་འབྱུང་།། རྫོགས་པའི་འོད་གསལ་མཉམ
278b2 སྦྱོར་བས།། ཐུགས་རྗེའི་དཀྱིལ་འཁོར་རང་བཞིན་འཆར།། བྱིན་རླབས་ཡེ་ཤེས་འོད་འཆང་བས།། མ་ལུས་སྙིང་པོ་ཉིད་དུ་མཐོང་།། གདོད་ནས་མ་བཅོས་འོད་གསལ་བས།། མ་ཡེངས་གསལ་བའི་གདེང་གིས
278b3 བཞག། དཔལ་ལྡན་ནམ་མཁའ་རྒྱལ་བའི་སྐུ།། མ་བཅོས་ཉི་མའི་སྙིང་པོ་ལྟར།། དྲོད་རྟགས་ཆོ་འཕྲུལ་རང་བཞིན་ཐོབ།། དམིགས་མེད་ལྷུན་གྲུབ་རོལ་པ་ནི།། མཛད་པའི་གར་ཐབས་སྣ་ཚོགས་པ།། རིག་པ་གསལ
278b4 བར་ཐབས་ཀྱིས་ཤེས།། ཉམས་མྱོང་མི་སེལ་བསམ་པ་སྤངས།། སྐུ་གསུང་རང་བཞིན་དུས་གཅིག་རྫོགས།། སྙིང་པོ་རང་བཞིན་ཁྱབ་པ་ནི།། གཅིག་གིས་ཀུན་གྱི་རྣམ་པ་འཛིན།། བསམ་གྱིས་མི་ཁྱབ་དུས་གཅིག
278b5 འབྲེལ།། ཚུལ་ནི་གང་དུའང་མི་སྤྱོད་པ།། ཡེངས་པ་མེད་པའི་རང་བཞིན་གྱིས།། བསམ་གྱིས་མི་ཁྱབ་དབྱིངས་ལ་གསལ།། བདག་མིན་གཞན་མིན་གང་ཡང་མིན།། མ་བཅོས་ཆུ་ལ་ཆུ་བཞག་ལྟར།། རང་བཞག་རིག
278b6 པས་གསལ་བར་ཤེས།། སྒྲ་བྲལ་རིག་པའི་ཡེ་ཤེས་ཀྱིས།། མ་བཙལ་གྱིན་འདར་བཤད་པ་གོ།། མ་བཅོས་གསང་བའི་རྣལ་འབྱོར་པས།། མ་བརྗོད་རྫོགས་པའི་ཤུགས་ཀྱིས་གོ།། མི་སྤྲོ་མི་བསྡུ་གསལ་བར
iiif viewer powered by OpenSeadragon
