| e-texts navigator |
| Wylie |
277b1 འབྱུང་གི་རྒྱུད་ལས། རང་བཞག་རིག་པ་ལ་མ་ཤེས་མཉམ་པར་རྟོགས་པའི་ལེའུ་སྟེ་གསུམ་པའོ།། ། ཀྱེ་སེམས་དཔའ་ཆེན་པ།། མ་ཤེས་གོམས་དང་རྟགས་ཉིད་དང་།། རྡུལ་དང་ཟླ་མ་ཚུལ་ཉིད་དེ།། རང
277b2 བཞག་ཐུག་ཕྲད་མཉམ་ཉིད་དེ།། རང་བྱུང་རང་གི་ཉམས་ལ་ཤེས།། རང་གསལ་མ་ཡིན་གཞན་ལས་མིན།། གཉིས་ཀས་མ་ཡིན་ཁྱད་པར་གསལ།། རང་རིག་ཡུལ་མེད་དུས་གཅིག་གསལ།། ཡིན་དང་མ་ཡིན་ཕྱོགས
277b3 མེད་ཀློང་།། ཀུན་གསལ་རིག་པའི་སྒོ་ཕྱེ་ནས།། ཡེངས་མེད་མ་བཅོས་དོན་ལ་ཞུགས།། སྙིང་རྗེ་བསམ་མེད་ཕྱོགས་སུ་བརྡལ།། ཡུལ་མེད་མ་བཅོས་དེ་བཞིན་ཉིད།། མ་བསམས་མི་གནས་ཁྱད་པར་འགྲོ།། ཡེ་ནས
277b4 རིག་པའི་ཀློང་དུ་ཞུགས།། བརྗོད་བྲལ་གསང་བའི་གཏེར་ལ་སྤྱོད།། གསང་བའི་རིག་པ་ལུང་གི་ཚུལ།། འདི་དང་གཞན་ཞེས་འཛིན་སེམས་བྲལ།། བློ་ཡི་རིག་པས་ཅིར་མི་དགོངས།། གཉིས་མེད་རང་གསལ་ཡེ་ཤེས
277b5 ལ།། དྲན་བསམ་རིག་པས་ཅི་བརྟགས་ཀྱང་།། བྱ་བྲལ་རིག་པ་ཅིར་མི་འཛིན།། བསམ་པའི་བློ་ཡིས་ཅིར་མི་སྤྱད།། རང་བཞིན་འཁོར་ལོ་རིམ་པར་བསྐོར།། འཇུག་མེད་འཇུག་བྲལ་དགོངས་པས་གནས།། བསམ
277b6 གྱིས་མི་ཁྱབ་ཆོས་ཀྱི་དབྱིངས།། མཚོན་པ་ལམ་གྱི་རྒྱུད་དང་བྲལ།། གསལ་བར་ཤེས་ཏེ་རྒྱུ་བ་བྲལ།། ཅིར་ཡང་མི་འཛིན་དེ་བཞིན་ཉིད།། གདོད་ནས་ལྷུན་གྱིས་གྲུབ་པའི་ངང་།། རང་བྱུང་འོད་གསལ་གཅིག་ལ
iiif viewer powered by OpenSeadragon
