| e-texts navigator |
| Wylie |
276b1 མ་འཁོར་བའི་ལམ་དུ་བརྒྱུད།། རང་བྱུང་གསལ་བའི་ལམ་མ་ཤེས།། རང་བཞག་རིག་པའི་རྒྱུད་ཚིག་གིས།། ཇི་བཞིན་མ་བཅོས་ངོ་བོ་ལ།། བརྗོད་བྲལ་རང་བཞག་དགོངས་པ་ཡིན།། རང་བྱུང་དབྱིངས་ལས་གསལ
276b2 བར་བྱེད།། མ་བཅོས་གསང་བའི་དགོངས་པ་ལ།། བཅོས་མའི་རྣལ་འབྱོར་ལོག་པའི་ལམ།། མཚན་བྲལ་བཅོས་མེད་སྙིང་པོ་ལ།། འཛིན་པའི་རྣམ་རྟོག་ལོག་པའི་ལུང་།། གང་དག་རང་འདོད་ཕྱོགས་ཆ
276b3 ཡིས།། འཛིན་པ་སོ་སོར་མཐོང་བ་ཡིས།། ཕྱོགས་བྲལ་ཡེ་ཤེས་ཆེན་པོ་ལ།། བཙལ་ཞིང་སྤྱད་པས་དོན་མི་མཐོང་།། ཅིར་སྣང་གཅིག་གི་ངོ་བོ་ལ།། ཡེངས་པ་མེད་པས་ཀུན་ཏུ་གསལ།། ཉམས་མྱོང་བརྗོད་བྲལ
276b4 བསལ་འཛིན་མེད།། འདི་ལ་ཕྱོགས་རིས་གདོད་ནས་མེད།། རང་བཞག་རིག་པ་ཤུགས་ཀྱིས་གོ།། མ་བརྗོད་བརྡ་ཡིས་གསལ་བར་ཤེས།། དུས་གཅིག་ཡེ་ཤེས་རང་གསལ་བས།། གཉིས་འཛིན་ཕྲ་རགས་ཀུན་གྱིས
276b5 དབེན།། འཛིན་མེད་མཁའ་ལ་ཉི་ཤར་ལྟར།། གསལ་ལ་སྟོང་པ་འདུ་ཤེས་མེད།། གང་ཡང་མི་གསལ་འབྱེད་མེད་ལུང་།། མི་བསམ་རིག་པ་ཅིར་མི་དགོངས།། རང་བཞག་དགོངས་པ་བསམ་མི་ཁྱབ།། ཡུལ་བྲལ
276b6 ཤེས་པ་འཛིན་རྩོལ་མེད།། མ་ཡེངས་བསམ་མེད་བརྗོད་བྲལ་ལུང་།། རང་གི་ཉམས་ཀྱིས་གསལ་བར་ཤེས།། དབུས་མཐའ་མེད་པའི་རིག་པ་ལ།། མི་འཇུག་བསམ་པའི་སེམས་ཀྱིས་གནས།། གང་དུའང་མི་བཞག
iiif viewer powered by OpenSeadragon
