| e-texts navigator |
| Wylie |
275b1 ཡེ་ཤེས་རྫོགས་ལུང་ལ།། དོན་བྲལ་མཉམ་པའི་སེམས་ཀྱིས་བལྟ།། དེ་ཉིད་རིག་པ་འོད་འབར་ལུང་།། བརྗེད་མེད་གསལ་བའི་དོན་ཡིན་ནོ།། ཡེ་ཤེས་བདུན་འབྱུང་གི་རྒྱུད་ལས། ཡེ་ཤེས་སྣང་བའི་ལེའུ་སྟེ་གཉིས
275b2 པའོ།། །། ཀྱེ་སེམས་དཔའ་ཆེན་པོ། རང་གསལ་ཡེ་ཤེས་མཉམ་ཉིད་ལ།། སྒྲ་ཚིག་བརྗོད་པའི་རིག་པ་ཡིས།། རྫོགས་པའི་ཡེ་ཤེས་མངོན་གྱུར་ན།། ཡེ་ཤེས་འོད་གསལ་ཉིད་དུ་ངེས།། མ་བསླད་རྐྱེན་བྲལ་ཉག
275b3 གཅིག་པ།། རིམ་པ་མ་ཡིན་དུས་གཅིག་གསལ།། རྩོལ་བྲལ་རིག་པ་ཅིར་མི་དགོངས།། ཅིར་སྣང་རང་གསལ་ཉིད་ཀྱི་དབྱིངས།། མ་བཙལ་མ་སྦྱངས་ཡེ་ནས་གྲུབ།། རིག་པ་མ་བཙལ་མངོན་སུམ་དབྱིངས།། སྨོན་དུ
275b4 མེད་པ་རང་ལ་རྫོགས།། དུས་མེད་རང་རིག་གསལ་བའི་ལུང་།། བསྐྱོད་མེད་ཆོས་དབྱིངས་དམ་པ་ཉིད།། ཀུན་ཀྱང་རིག་པ་ཉམས་སུ་སྐྱེས།། འབྱུང་འཇུག་མི་གནས་ཅིར་མི་དགོངས།། མ་བསླད་མ་བཅོས་ཡེ་ནས
275b5 འབྱུང་།། བརྒྱ་བྱིན་ནོར་བུ་ཅི་བཞིན་དུ།། མ་བཙལ་གདོད་ནས་ལྷུན་གྱིས་གྲུབ།། རིག་པ་ཡེ་ཤེས་འོད་གསལ་དུ།། མཉམ་དང་མི་མཉམ་ཆོས་མི་གནས།། མཐའ་དང་དབུས་མེད་ཡེ་ཤེས་ཀློང་།། ཕྱི་དང་ནང་མེད
275b6 ཆོས་ཀྱི་དབྱིངས།། མ་སྐྱེས་པ་དང་མི་གནས་པས།། མ་ཆགས་པ་དང་ལྷུན་གྱིས་གྲུབ།། གདོད་ནས་དག་པ་ཆེན་པོ་ལ།། སྦྲང་ཞིང་བགྲོད་པ་ག་ལ་ཡོད།། དུས་གསུམ་རྒྱལ་བའི་སྙིང་པོ་ནི།། རིག་པའི་ཡེ་ཤེས་རང
iiif viewer powered by OpenSeadragon
