| e-texts navigator |
| Wylie |
275a1 བྲལ་རིག་པ་ཐུགས་ལ་རྫོགས།། གསལ་ལ་བསམ་དུ་མེད་པས་ན།། དམིགས་མེད་རིག་པ་རང་གསལ་ལུང་།། ཐམས་ཅད་རིག་པས་མངོན་པར་ཤེས།། བསམ་དུ་མེད་པས་འཛིན་དང་བྲལ།། ས་ལེ
275a2 དམིགས་བྲལ་གཅིག་གི་དང་།། མི་སྤྱད་མི་འཛིན་བསམ་དུ་མེད།། མཐའ་ཡི་འདུ་ཤེས་རྒྱུ་བ་མེད།། བསམ་པས་བསྒྲིབས་པས་དོན་མི་ཤེས།། གང་དུའང་མི་བསམ་མི་སྤྱད་དེ།། རང་གཞག་རིག་པ་ཉིད་ཀྱིས
275a3 གསལ།། ཉམས་མྱོང་བསམ་རྟོག་ཡུལ་ཞེས་བྲལ།། རང་བྱུང་ཉིད་ལ་ཉིད་མི་འབྱུང་།། རྗེས་མི་འབྲང་ཞིང་ཡུལ་མི་ཚོལ།། མི་འཕྲོ་མི་སྡུད་མི་བཅོས་ཏེ།། མཐའ་དབུས་དེ་བཞིན་ཉིད་མི་འཚོལ།། དེ་བཞིན་ཉིད་དུ་རང
275a4 བཞིན་གནས།། ཀུན་ཀྱང་རང་གསལ་ཐིག་ལེ་ཉིད།། སྒྲོ་བསྡུ་མེད་པའི་དབྱིངས་ལ་འདུ།། འདས་དང་མ་འདས་ཆོས་ཀུན་ཀྱང་།། རྩོལ་བྲལ་འོད་ལ་རྟག་ཏུ་བཞུགས།། ཆུ་ཡི་གཉེར་མ་ཇི་བཞིན་ཏེ།། རིག་པ་འོད
275a5 སལ་དབྱིངས་ལ་ཐུག། རང་ལ་སྐྱོ་ཞིང་དབྱིངས་ལ་འདུ།། ཉི་མ་གསལ་བའི་སྙིང་པོ་ལྟར།། གསལ་ལ་མ་འདྲེས་ལྷུན་གྱིས་རྫོགས།། ཀུན་ཀྱང་ཤི་ལེན་ན་ལེན་འདྲ།། གང་ཡང་མ་ཡིན་གཅིག་ཏུ་གནས།། མ་ཡིན
275a6 ཀུན་ཀྱང་རིག་པ་སྟེ།། རིག་པ་མིན་ལ་མ་རིག་མིན།། རི་བོ་མེས་བསྲེགས་ཀུན་ཚིག་ལྟར།། རྟོགས་པའི་རིག་པ་རང་གསལ་བ།། འཛིན་པ་མི་གནས་རང་གསལ་བར།། སྤང་བ་མེད་པ་མཉམ་དུ་གནས།། གཅིག་པོ
iiif viewer powered by OpenSeadragon
