| e-texts navigator |
| Wylie |
274b1 པ་ཡིས།། ལུས་དང་སྲོག་ལ་མི་དཔྱད་དེ།། རྣ་བརྒྱུད་ཐོབ་ཕྱིར་དབུལ་བར་བྱ།། ཡེ་ཤེས་རང་གསལ་ཐབས་རྫོགས་པས།། མ་བརྗོད་རིག་པའི་ཐབས་ཀྱིས་གོ།། རང་བཞག་རིག་པའི་ཐབས་ཀྱིས་འདི་གཉིས་མེད་པ་འདྲ
274b2 གོ།། རང་བཞག་རིག་པའི་ཤུགས་ཀྱིས་གོ།། རང་བཞག་རིག་པ་ཤུགས་ཀྱིས་གསལ།། འགྱུར་མེད་གསང་བའི་དོན་ལ་བཞུགས།། ཀུན་འདུས་རིག་པ་གསལ་བའི་ཉམས།། བརྗོད་པར་མི་རྟོག་ཉམས་ཀྱིས
274b3 གསལ།། གསང་བའི་མེ་ལོང་གསལ་རྫོགས་པས།། བརྗོད་བྲལ་བླ་མའི་ཐབས་ཀྱིས་ཤེས།། གསལ་བའི་མར་མེ་དབྱིངས་ལ་ཁྱབ།། རིག་པའི་འོད་གསལ་མཆོག་གི་ཐུགས།། གཏད་མེད་ཡུལ་ལ་དུས་གཅིག
274b4 རྫོགས།། གསལ་བ་མི་མངོན་དུས་གཅིག་མཆོག། ངེས་པ་དུས་ཚོད་དེ་ཁོ་ན།། གསལ་མེད་འདུ་ཤེས་བྲལ་བ་མེད།། རིག་པའི་ཀློང་ལ་ཀུན་ཏུ་བཞུགས།། གང་ཡང་མ་ཡིན་འོད་གསལ་ཡིན།། མི་འབྲངས་མི་སྤྱོད
274b5 ཡུལ་དང་བྲལ།། བརྡ་ཕྲད་རིག་པ་ཤུགས་ཀྱིས་གོ།། ཡང་ན་ནམ་མཁའི་ས་ལའོ།། ཡང་ན་ཆུ་བོའི་རྒྱུན་ལའོ།། ཡང་ན་གསལ་བ་ཉིད་ལའོ།། ཡང་ན་མཚན་མའི་སྒྲ་ལའོ།། ཡང་ན་དེ་ཉིད་གང་མིན་པར།། རང་བཞིན
274b6 རིག་པ་གཞག་པས་ནི།། ཆུ་ལ་ཆུ་ལྟར་གསལ་བར་གནས།། མི་ཤེས་པ་ཉིད་མ་ཡིན་པས།། འབྱེད་པ་མེད་པའི་ཡེ་ཤེས་འགྲུབ།། རང་གི་ཉམས་མྱོང་ཀུན་བྲལ་བས།། བརྗོད་བྲལ་བསྟན་པ་རྒྱ་མཚོའི་མཛོད།། སྐྲ
iiif viewer powered by OpenSeadragon
