| e-texts navigator |
| Wylie |
274a1 ལྟར།། ཁྱབ་པ་ཀུན་གྱི་རྗེས་སུ་སོང་།། སྣང་བ་ནམ་མཁའི་མཐའ་ལྟར་ཡངས།། འཕྲུལ་གྱི་མེ་ལོང་གསལ་བའི་འོད།། ཕྱོགས་རིས་མེད་པར་ཀུན་ལ་འཆར།། རྒྱ་མཚོ་གསལ་བས་ཡིད་བརྟགས
274a2 པས།། ཁྱབ་པར་གསལ་བས་དབྱིངས་ལ་བསྡུ།། མ་བཅོས་རང་བྱུང་སྙིང་པོ་ལ།། སྒྲོ་སྐུར་དག་པའི་དབྱིངས་ལ་འདས།། བསམ་པ་མེད་པའི་འདུ་ཤེས་ཅན།། རྒྱུ་བའི་ཡུ་བ་རྣམ་པར་བཅད།། ཀུན་སྣང་འོད་གསལ
274a3 ཉག་གཅིག་པོ།། ཅི་ཡང་ཡིན་ནོ་གང་ཡང་རུང་།། མ་བཀག་ཡོན་ཏན་དེ་ལྟར་གསལ།། རང་རིག་ཡུལ་མེད་ཆོས་ཀྱི་དབྱིངས།། རང་གསལ་ཡེ་ཤེས་ཀུན་ཏུ་བཟང་།། རང་བྱུང་རྐྱེན་བྲལ་འཇིག་པ་མེད།། ཡེ་ཤེས་སྣང
274a4 བ་རྣམ་པར་དག། རྫོགས་པའི་ཡེ་ཤེས་ཀློང་དུ་ཐིམ།། མཁྱེན་བྲལ་གཏི་མུག་ཆེན་པོ་ལ།། ཤེས་དང་མི་ཤེས་ཡོངས་ཀྱིས་མེད།། རང་གསལ་ལུང་ལ་ཀུན་རྫོགས་པས།། གཉིས་པའི་ཆོས་དང་གདོད་ནས་བྲལ།། རང
274a5 བཞིན་འདུ་འབྲལ་མེད་པ་ཉིད།། ཐིག་ལེ་གཅིག་ཏུ་ཀུན་རྫོགས་སོ།། གསང་བའི་མེ་ལོང་ཐབས་ཀྱིས་ཤེས།། ཀུན་འབྱུང་ཡེ་ཤེས་ཕུང་པོ་ལ།། གསང་བའི་ཐབས་ཀྱིས་རྟོགས་གྱུར་ན།། བཙལ་བྲལ་འོད་ལྟར་ཁྱབ
274a6 པར་འབྱུང་།། ཀུན་ལ་ཕྱོགས་རིས་མེད་པར་སྣང་།། ཕྲད་དང་མ་ཕྲད་ནུས་པ་ལས།། དེ་ལྟར་དེ་ལྟ་ཉིད་དུ་སྣང་།། ཕྲད་དང་ཐོབ་པ་མེད་པ་ཡིས།། མི་སྣང་མི་གསལ་རང་བཞིན་གསང་།། སྔོན་འགྲོའི་ཤེས་རབ་སྦྱངས
iiif viewer powered by OpenSeadragon
