| e-texts navigator |
| Wylie |
273b1 འཇུག་མེད་པའི་ཐིག་ལེ་ཡིས།། གསང་བ་རིག་པའི་འཁོར་ལོ་གང་།། མ་རིག་གསལ་བའི་མེ་ལོང་གིས།། ཁྱབ་པས་ནམ་མཁའ་རྗེས་སུ་བལྟ།། རང་བྱུང་རིག་པ་རང་གསལ་སྐྱེས།། རྒྱུ་རྐྱེན་བྲལ་བའི་དབྱིངས་ལ
273b2 རྫོགས།། བསམ་པ་སྤངས་ཏེ་དབྱིངས་ལ་གནས།། མི་འབྱུང་མི་འཇུག་གཉིས་མེད་དང་།། སྤྱད་མེད་དེ་ལྟར་རང་བཞིན་གཞག། བཙལ་བྲལ་ཆུ་ཡི་རང་བཞིན་ལྟར།། མ་བསྐྱེད་དེར་བཞག་དོན་གྱིས་གསལ།། དེ་ཉིད
273b3 ངེས་པའི་དོན་འདི་ནི།། བསམ་གྱིས་མི་ཁྱབ་དུས་ནས་ཤེས།། མི་ཚོལ་འོད་ཀྱི་སྙིང་པོ་ལྟར།། འདུ་འབྲལ་མེད་པར་ཡེ་ནས་རྫོགས།། དེ་ཁོ་ན་ཉིད་ཡུལ་མེད་ལ།། གཉིས་མེད་རིག་པ་གཅིག་ཏུ་འབར།། གཏི་མུག་སྒོ།
273b4 ནས་བདེ་བ་རྒྱས།། ཀུན་འཇོམས་རེ་བའི་སྙིང་པོ་འདྲ།། མཐའ་བྲལ་མངོན་པར་མཐོ་བ་ལ།། མཚན་བྲལ་མི་ཚུད་གཅིག་ལས་མེད།། དེས་ན་རང་བཞག་དགོངས་པཏས་གནས།། ཀུན་ལ་བསལ་ཏེ་གཅིག་ལ
273b5 སོན།། འགྱུར་མེད་སེམས་ཀྱི་དགོངས་པའོ།། ཡེ་ཤེས་བདུན་འབྱུང་གི་རྒྱུད་ལས། གླེང་གཞི་གསང་བའི་ལེའུ་སྟེ་དང་པོའོ།། །། ཀྱེ་སེམས་དཔའ་ཆེན་པོ། རང་བཞིན་ཐམས་ཅད་ཉམས་ཀྱིས་ནི།། བསྡུས་ཏེ་ཐིག
273b6 ལེ་གཅིག་ཏུ་གསལ།། རང་གསལ་འགྱུར་མེད་ཡེ་ཤེས་ཀྱིས།། ཇི་བཞིན་ཀློང་དུ་གསལ་བར་གནས།། འཁོར་བ་རང་གསལ་ཉིད་དུ་བདེ།། ནམ་མཁའ་ཁྱབ་པའི་འོད་དང་ལྡན།། གསལ་བ་ནམ་མཁའི་སྙིང་པོ
iiif viewer powered by OpenSeadragon
