| e-texts navigator |
| Wylie |
273a1 ཉམས་མྱོང་བྲལ་བ་འདི།། བརྗོད་མེད་རིག་པའི་དོན་གོ་ནས།། རྩོལ་བྲལ་དོན་ལ་དགོད་དུ་གསོལ།། ཞེས་ཞུས་སོ།། དེ་ནས་སྐྱེས་བུ་དམ་པ་དེས། འདི་སྐད་ཅེས་བཀའ་སྩལ་ཏོ།། རང་བྱུང་རིག་པ
273a2 མཆོག་གི་དོན།། རང་རིག་འོད་གསལ་གསང་བའི་ཉམས།། འཛིན་པའི་དྲི་མ་ཀུན་གྱིས་དབེན།། བརྗོད་བྲལ་རིག་པ་དབྱིངས་ལ་བཞུགས།། འབར་བའི་འོད་ཀྱི་རྣམ་པ་ལྟར།། ཀུན་ཏུ་གསལ་ཞིང་ཉིད་དུ
273a3 གནས།། རང་གསལ་རིག་པ་ཆོས་དབྱིངས་ལ།། ཆོ་འཕྲུལ་བདག་རྫོགས་གཉིས་པ་མེད།། རྣ་བརྒྱུད་དག་གི་སྒྲ་ཚིག་གིས།། འཕྲུལ་གྱི་མེ་ལོང་ཇི་བཞིན་དུ།། གཞན་མི་བཙལ་ཏེ་རང་ལ་རྫོགས།། ཅི་ཡང་མ་ཡིན་ཅིར
273a4 མི་དགོངས།། བསལ་མེད་མི་གཡོ་མཆོག་གི་ལུང་།། ཇི་བཞིན་ཉིད་ལ་ཇི་བཞིན་གསལ།། རྐྱེན་བྲལ་བརྡ་ཕྲད་དོན་གྱི་ལུང་།། བརྗོད་མེད་གསང་བའི་ཉམས་ཀྱིས་སོ།། རང་བྱུང་མཆོག་གི་སྙིང་པོ་ལ།། ཡེངས་པ་མེད
273a5 པའི་སེམས་ཀྱིས་གནས།། རང་གསལ་དམིགས་བྲལ་ཅིར་མི་དགོངས།། ཤེས་མེད་གསལ་བ་མར་མེ་ལྟར།། ཡིན་ནོ་གང་དུའང་སེམས་པ་མེད།། འགྱུར་མེད་ཆོས་ཀྱི་གཡུང་དྲུང་ལ།། ཅི་དགར་བཞག་པས་གཡོ་མེད
273a6 ལུང་།། ཡུལ་མེད་བསམ་བྲལ་སྒྲོ་སྐུར་ཅན།། ཏིང་འཛིན་རིག་པའི་འཁོར་ལོ་ཡིན།། བག་ཆགས་འཛིན་པ་རྣམ་པར་གཅོད།། ནམ་མཁའ་གསལ་བའི་མར་མེ་ལྟར།། གསལ་ལ་དམིགས་པ་རྣམ་པར་བཅད།། འབྱུང
iiif viewer powered by OpenSeadragon
