| e-texts navigator |
| Wylie |
272b1 ཏོ།། དེ་ནས་ཕྱོགས་བཅུའི་རྒྱལ་བ་ཐམས་ཅད་ཀྱིས། དེ་བཞིན་གཤེགས་པ་རྡོ་རྗེ་སེམས་དཔའ་ལ་མགྲིན་གཅིག་ཏུ་འདི་སྐད་བསྐུལ་ལོ།། རང་གསལ་རིག་པ་མཆོག་གི་སྐུ།། རྩོལ་བྲལ་བསྟན་པ་ཐུགས་ལ
272b2 རྫོགས།། འདོད་འབྱུང་འབར་བའི་ནོར་བུ་ལྟར།། གདོད་ནས་ཀུན་རྫོགས་བདག་ཏུ་གསལ།། རིག་པ་ལྷུན་རྫོགས་དབྱིངས་ལ་བཞུགས།། བདག་གཞན་མི་མངའ་ཕྱོགས་རིས་བྲལ།། ནམ་མཁའ་མི་འགྱུར་རྟག་པར
272b3 བལྟ།། རང་གསལ་ལྷུན་གྲུབ་རིག་པ་ཁྱོད།། གང་ལ་རྐྱེན་གྱིས་བསྐུལ་བ་ལྟར།། ཐུགས་རྗེས་སེམས་དཔར་བསྟན་དུ་གསོལ།། ཞུས་སོ།། དེ་ནས་རྡོ་རྗེ་སེམས་དཔའ་ལ་བསྐུལ་བས། ལྷའི་དབང་པོའི་ངོལ་གསང་བའི
272b4 བདག་པོར་སྣང་བར་གྱུར་ཏོ།། དེ་ནས་ལྷའི་དབང་པོས་འདི་སྐད་ཅེས་གསོལ་ཏོ།། རྒྱལ་བ་ཀུན་གྱི་གསང་བའི་ཐུགས།། ཀུན་འདུས་བྱང་ཆུབ་སེམས་ཀྱི་ངང་།། རང་གསལ་ཉག་གཅིག་དྲི་མེད་པ།། བདེ་ཆེན་ཁྱེད་ཀྱི
272b5 སྐུ་མཆོག་གིས།། བརྗོད་བྲལ་གསང་བའི་ཆོས་ཉིད་འདི།། ཚིག་དང་ཡི་གེ་ཀུན་བྲལ་ཡང་།། དེ་ཉིད་བརྗོད་པས་གོ་བྱའི་ཕྱིར།། ཡེ་ཤེས་གསལ་བར་གསུང་དུ་གསོལ།། ཞེས་ཞུས་སོ།། དེ་ནས་ཕྱག་ན་རྡོ་རྗེ་དེ་ཉིད
272b6 རང་གི་ཡེ་ཤེས་གསལ་བ་ཞེས་བྱ་བ་ལ་སྙོམས་པར་ཞུགས་ཏེ། རང་ཉིད་ལྟ་བུའི་འཁོར་རྣམ་པར་བཀོད་པ་ལས། རྣམ་པར་ལངས་ནས་འདི་སྐད་ཅེས་བསྐུལ་ཏོ།། རང་བྱུང་རིག་པའི་འོད་འབར་བས།། ཀུན་གསལ
iiif viewer powered by OpenSeadragon
