| e-texts navigator |
| Wylie |
272a1 རྒྱ་གར་སྐད་དུ། བ་དྡྷི་ཙིཏྟ་མ་ཧཱ་སནྟི་ཛྙཱ་ན་སཔྟ་ཀ་ར་ཏནྟ། བོད་སྐད་དུ། བྱང་ཆུབ་ཀྱི་སེམས་རྫོགས་པ་ཆེན་པོ་ཡེ་ཤེས་བདུན་འབྱུང་བའི་རྒྱུད། དཔལ་ཡེ་ཤེས་རྫོགས་པ་ཆེན་པོ་ལ་ཕྱག་འཚལ
272a2 ལོ།། འདི་སྐད་བཤད་པའི་དུས་གཅིག་ན། བཅོམ་ལྡན་འདས་རང་བཞིན་ཡེ་ཤེས་རྫོགས་པ་ཆེན་པོ། གསང་བའི་འོད་གསལ་བ་བདེ་བའི་ངང་ཉིད། ལྷུན་གྱིས་གྲུབ་པའི་བདག་ཉིད། མ་ལུས་པ་གཅིག་གི་རང
272a3 བཞིན་ཐིག་ལེ་ཆེན་པོ་ཉིད། འོག་མིན་གྱི་གནས། ཆོས་ཀྱི་དབྱིངས་མཐའ་དང་དབུས་མེད་པའི་དེ་བཞིན་ཉིད། རིག་པ་འཕོ་མེད་པའི་གཞལ་ཡས་ཁང་། ཅིར་ཡང་གསལ་བའི་རྒྱན་གྱིས་བཀླུབས་པ་ན། བཅོམ་ལྡན
272a4 འདས་རང་བཞིན་རྫོགས་པ་ཆེན་པོ་དེ། རང་བཞིན་གྱི་འཁོར་དང་། རང་བཞིན་ལ་ལྟ་བའི་འཁོར་དང་། རང་བཞིན་ཉིད་ལ་གནས་པའི་འཁོར་དང་། རང་བཞིན་མངོན་དུ་གསལ་བར་གྱུར་པའི་འཁོར་དང་ཐབས
272a5 ཅིག་གོ།། དེའི་ཚེ་ན་བརྒྱ་བྱིན་ལྷའི་དབང་པོས། གདུལ་བྱའི་དོན་ཤེས་ནས། ཕྱོགས་བཅུའི་རྒྱལ་བ་ལ་འདི་སྐད་ཅེས་བསྐུལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། ཐུན་མོང་བྱ་བ་མཐར་བཏོན་ནས།། གང་ལ་ཉེ
272a6 བར་མཛེས་པ་ཡི།། དམ་པའི་གསང་བ་གསུང་དུ་གསོལ།། རྩོལ་བྲལ་རིག་པའི་ཁྱད་པར་ལ།། གཉིས་པའི་དོན་དེ་མི་གནས་ཏེ།། དེ་ཉིད་སྣང་བའི་བྱིན་རླབས་ལས།། ཇི་ལྟར་འདོད་པ་སོ་སོར་གསལ།། ཞེས་བསྐུལ
iiif viewer powered by OpenSeadragon
