| e-texts navigator |
| Wylie |
271a1 ཅན་ཞེས་བྱ།། རིམ་པའི་ཆ་ལ་མི་བརྟེན་པར།། དེ་ཀ་ཡི་གེ་མེད་པའོ།། ཡི་གེ་མེད་པའི་སྐབས།། རང་བཞིན་ཙམ་ཡང་མ་ཡིན་པ།། དེ་ནི་རང་བཞིན་ཆེན་པོའོ།། རང་བཞིན་རང་གིས་རྟོགས་ན
271a2 རྟོགས།། ཐམས་ཅད་མེ་དང་རང་བཞིན་སྣང་།། བལྟར་མེད་བག་ལ་ཉལ་བ་དེ།། འབད་པས་མི་རྙེད་བཏང་སྙོམས་ཙམ།། དེ་ཡང་མིན་ཏེ་ཅིར་མི་གནས།། ཡི་གེ་མེད་པའི་སྐབས།། འདི་ལྟར་སྣང་བའི་ཁྱད་པར
271a3 ལས།། བདུད་བཞི་མི་འབྱུང་རྟོག་པ་ཟད།། ངེས་ཐོབ་ས་ཆེན་ཁྱད་པར་འཕགས།། སྐྱོན་བྲལ་རྫོགས་ཆེན་དོན་ལས་འདས།། སྟོང་དང་མི་སྟོང་ཚིག་ལས་འདས།། སངས་རྒྱས་ཆོས་དང་དགེ་འདུན་མེད།། ཡི་གེ་མེད
271a4 པའི་སྐབས།། མན་ངག་གསུམ་དང་གསང་བ་གསུམ།། ཡི་གེ་མེད་པས་འདི་མི་བརྟག། སྟོང་པ་ཆེན་པོའི་རང་བཞིན་སྟོང་།། དེ་ནི་ཀུན་ལས་འཕགས་པ་ཡིན།། མཆོག་འཕགས་ཁྱད་པར་ཆེན་པོའོ།། ཡི་གེ་མེད་པའི
271a5 བས།། མི་དམིགས་མི་རྟོག་ཀུན་བཟང་དང་།། རང་ཀ་མ་ལ་རང་བཞིན་ཡང་།། བག་ཆགས་ཀུན་བཟང་ལྷུན་གྱིས་གྲུབ།། གསེར་མེད་བོང་བ་མེད་པའི་སེམས།། དྲན་རྟོག་བག་ཆགས་ཅི་བྱུང་ཡང་།། དེ་ཉིད་རང
271a6 བཞིན་ཡིག་མེད་དང་།། མཚོན་པ་ལས་འདས་དཔེ་མེད་པ།། དེས་ན་སྒྲུབ་པ་ཆེན་པོའོ།། ཡི་གེ་མེད་པའི་སྐབས།། གང་ཡང་མི་བསམ་ཅིར་མི་བཏགས།། མཚན་བསམ་ཉམས་ཏེ་ཆགས་ན་འཁོར།། བྱང་ཆུབ་སེམས
iiif viewer powered by OpenSeadragon
