| e-texts navigator |
| Wylie |
270b1 བསམ་པའི་ཏིང་ངེ་འཛིན།། རབ་ཀྱི་རབ་ཀྱིས་དོན་ལ་དཔྱད།། བྱང་ཆུབ་ཀྱི་སེམས་བསྒོམ་པ་ཡི་གེ་མེད་པ་ལས། རྨད་དུ་བྱུང་བར་བསྟན་པའི་སྐབས།། །། དེ་ནས་སྐུ་གསུང་ཐུགས་སུ་འཁོར་རྣམས་རང་བཞིན
270b2 དུ་བཏོན་ནས་བཀའ་སྩལ་པ། བྱང་ཆུབ་ཀྱི་སེམས་བསྒོམ་པ་ཡི་གེ་མེད་པའི་རྒྱུད་འདི་མཐོང་ངམ། ཐོས་སམ་ཉམས་སུ་བླངས་སམ། དོན་རྟོགས་སམ། དེ་སྐད་ཅེས་བཀའ་སྩལ་པ་ལས། འཁོར་རྣམས་ཀྱི་མགྲིན
270b3 གཅིག་པས་འདི་སྐད་ཅེས་གསོལ་ཏོ།། བྱང་ཆུབ་ཀྱི་སེམས་ཡི་གེ་མེད་པ་འདི། བདག་ཅག་གི་ཇི་ལྟར་འཚལ་ལོ།། ཞེས་གསོལ་པ་ལས་བདེ་བར་གཤེགས་པ་རྣམས་སླར་ཡི་གེ་མེད་པའི་རང་བཞིན་དུ་འདུས
270b4 སོ།། བྱང་ཆུབ་ཀྱི་སེམས་བསྒོམ་པ་ཡི་གེ་མེད་པ་ཞེས་པའི་སྐབས་རྫོགས་སོ།། འདི་གོང་འོག་གཉིས་མེད་དང་སྐབས་གྲངས་འདྲ་ཡང་གསན་ཡིག་ན་བཞུགས་ཆུ་གོང་མ་འདི་ཡིན་འདྲ།། བོད་སྐད་དུ། བྱང་ཆུབ་ཀྱི་སེམས་བསྒོམ་པ་ཡི་གེ་མེད
270b5 པའི་རྒྱུད། དཔལ་བདེ་བའི་མཆོག་ལ་ན་མོ། བཅོམ་ལྡན་འདས་ཆོས་ཀྱི་དབྱིངས་རང་བཞིན་མེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་བཞིན་གྱི་འཁོར་ལ་རང་བཞིན་གྱི་སྟོན་པས་རང་བཞིན་གསུང་དུ
270b6 མེད་པ་བཀའ་སྩལ་པ། རང་བཞིན་རང་བཞིན་ཙམ་མིན་ཏེ།། དེ་ནི་རང་བཞིན་མི་བཟུང་བ།། རང་བཞིན་གབ་པ་བག་ལ་ཉལ།། རང་བཞིན་གྱི་སྐབས།། དབྱིངས་དང་ཡེ་ཤེས་གཉིས་མེད་དེ།། གཉིས་ན་རིམ་པ
iiif viewer powered by OpenSeadragon
