| e-texts navigator |
| Wylie |
26a1 སེམས་དཔའ་ཆེན་པོ།། ང་ནི་ཀུན་གྱི་ལུང་ཁུངས་ཡིན་པ་སྟེ།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། ཐམས་ཅད་ང་ལས་བྱུང་བར་ཤེས་པར་གྱིས།། ཆོས་ཀྱི་སྤྱི་ཁུངས་ཆེན་པོ་འདི་ཉོན
26a2 ལ།། ཆོས་རྣམས་ཐམས་ཅད་འདི་ལྟར་ལུང་སྟོན་ཅིག། ཀུན་བྱེད་རྒྱལ་པོ་བྱང་ཆུབ་སེམས་པ་ནི། ལུང་ཆེན་ཀུན་གྱི་རྒྱལ་པོ་ང་ཡིན་པས།། སྟོན་པ་གསུམ་ཡང་དང་པོ་ང་ལས་བྱུང་།། ལུང་ཞེས་བྱ་བ་སྟོན་པའི་བཀའ་ལ
26a3 གདགས།། མན་ངག་ཀུན་གྱི་རྩ་བ་ང་ཡིན་པས།། སེམས་ལས་མ་གཏོགས་པ་ཡི་ཆོས་ཉིད་ནི།། དུས་གསུམ་སངས་རྒྱས་ཁམས་གསུམ་སེམས་ཅན་ལ།། ཀུན་བྱེད་ང་ཡིས་ཡང་དག་བསྟན་པ་མེད།། རྒྱུད་དང་མདོ་སྡེ
26a4 ཀུན་གྱི་སྤྱི་འགྲེལ་ཡིན།། རྒྱུད་དང་མདོ་སྡེ་སྟོན་པའི་སྟོན་པ་ཡང་།། ཀུན་བྱེད་ང་ཡི་རང་བཞིན་ཕྱུང་བ་ཡིན།། སྟོན་པ་དང་ནི་བསྟན་པ་གཉིས་ཀ་འགྲེལ།། ཀུན་བྱེད་རྒྱལ་པོ་བྱང་ཆུབ་སེམས་པ་ནི།། བསྟན་པ་ཀུན་གྱི
26a5 ཡང་རྩེ་ཡིན་པར་བཤད།། ང་ལས་བྱུང་བའི་སྟོན་པ་སྐུ་གསུམ་གྱིས།། བསྟན་པའི་འདུལ་བ་མདོ་སྡེ་མངོན་པ་དང་།། ཏན་ཏྲ་སོ་སོའི་སྡེ་ནི་འབུམ་སྡེ་དང་།། བསྐྱེད་རྫོགས་གསང་བ་ལ་སོགས་རྩོལ་སྒྲུབ་ཅན།། ཀུན
26a6 ཀྱང་རྩོལ་སྒྲུབ་འདས་པ་ང་ལ་བགྲོད།། རྩོལ་སྒྲུབ་ཉིད་ཀྱིས་འདས་པ་ང་མི་མཐོང་།། དེས་ན་བསྟན་པ་ཀུན་གྱི་ཡང་རྩེ་ཡིན་པར་བཤད།། ཀུན་བྱེད་རྒྱལ་པོ་བྱང་ཆུབ་སེམས་ང་ནི།། ཐེག་པ་ཀུན་གྱི་ཉིང་ཁུ་ཡིན་པར
iiif viewer powered by OpenSeadragon
