| e-texts navigator |
| Wylie |
268a1 སྐད་ཅིག་མ།། དེ་བཞིན་དབྱིངས་ཀྱང་སྐད་ཅིག་མ།། དེ་དང་དེ་ཞེས་དབྱེར་མེད་པ།། དེ་ནི་རྒྱུན་ཆགས་ཐམས་ཅད་སྤངས།། ཤེས་པ་ཡེ་ཤེས་ཉིད་དུ་འགྱུར།། དེ་བཞིན་སྦྱོང་བའི་ལམ་པ་ཡི།། ཡེ་ཤེས
268a2 ལ་རེག་མི་རྣམས་ལ།། རང་རྒྱུད་དུ་ནི་བདུད་བཞི་འབྱུང་།། འཇིགས་པ་གཟུགས་དང་གྲགས་པ་སྒྲ།། འོད་ཀྱི་བདུད་དང་བསླུ་བ་རྣམས།། བྱུང་ཚེ་དེ་ལ་རིག་བྱས་ལ།། མི་ཞེན་མི་ཆགས་ལམ་རྒན་བསམ།། ཀུན་འོང
268a3 འགྲོ་བ་དེ་ཉིད་ལམ།། ཤེས་པ་ཁྱད་པར་ཅན་ཞེས་བྱ།། ཡེ་ཤེས་གཟུང་དུ་མེད་པའི་སྐབས།། །། དེ་ནས་ཡང་བདེ་བའི་མཆོག་དེས་དབྱིངས་ཟང་མ་བཀའ་སྩལ་པ། ཞི་བའི་དབྱིངས་ཏེ་འདུས་མ་བྱས།། རང
268a4 བཞིན་བཟང་དང་རབ་འདྲེས་པ།། བཙལ་མེད་ཚུལ་དུ་བྱུང་བ་སྟེ།། གང་གིས་མ་བསླད་རང་བཞིན་དབྱིངས།། ཐོག་མཐའ་མེད་པའི་རྒྱལ་པོའོ།། སྐད་ཅིག་རྒྱུ་འབྲས་མེད་པར་དབྱིངས།། རྒྱུན་ཆད་རིག་པའི་དབྱིངས
268a5 མ་ཡིན།། བཙལ་ན་རྩོལ་ནད་སངས་མི་སྲིད།། བཙལ་བ་མེད་པ་དབྱིངས་ཀྱི་གཙོ།། དེ་ལྟ་བུ་ཡི་དབྱིངས་དེ་ལ།། དེ་ལྟ་བུ་ཡི་ཡེ་ཤེས་དབབ།། ཡང་ན་དབབ་དང་མི་དབབ་མེད།། ཤེས་རིག་བག་ཆགས་རྒྱུན་དེ
268a6 ཡང་།། གཉེན་པོའི་སྒོ་ནས་མི་གཅོད་དེ།། རང་བཞིན་རང་གིས་རྟོགས་གྱུར་པ།། དེ་ཡིས་བག་ཆགས་རང་བཞིན་དག། རང་ཁའི་བསམ་པ་གྱ་གྱུ་ལ།། དེ་རེག་པ་ཡང་བདེ་བར་གཤེགས།། གཅིག་ཏུ་གཟུང་བར་ངས
iiif viewer powered by OpenSeadragon
