| e-texts navigator |
| Wylie |
266a1 བོ།། རྩིང་པོ་འདི་དང་མ་སྤྱད་མ་ལྡན་ན།། ལམ་མེད་ལམ་ཞུགས་སོ་སོར་གོལ།། འཇུག་དང་བལྟ་དང་སྲུང་མ་དང་།། དེ་བཞིན་འཇུག་སྒོ་སོ་སོ་ལ།། འཁྲུལ་པའི་ལམ་ཡིན་མཐའ་ལས་གོལ།། ཉེ་ལམ
266a2 རྩོལ་བྲལ་ནད་འདིས་སེལ།། རབ་ཏུ་རྩིང་སྟེ་གཅིག་སྟེ་བསྟན།། ཉེ་ལམ་ཉག་གཅིག་ཡོངས་སུ་རྫོགས།། ཐམས་ཅད་ཐིག་ལེ་གཅིག་ཏུ་གནས།། ཞེས་རྩ་བའི་རྒྱུད་ལས། རྩིང་པོ་ཤེས་པས་བཅད་པར་བསྟན་པའི་ལེའུ
266a3 སྟེ་ཉི་ཤུ་རྩ་བདུན་པའོ།། །། དེ་ནས་སྟོན་པས་འཁོར་རྣམས་ལ།། འདི་ལ་མོས་པའི་གང་ཟག་ལ།། ཕྱོགས་དང་རིས་སུ་མེད་པར་བསྟན།། དེ་བཞིན་ཉིད་ཀྱི་སྙིང་པོ་ཉིད།། འགྲོ་བ་ཀུན་ལ་རང་བཞིན
266a4 གནས།། རྐྱེན་གྱིས་མི་བཙལ་གཞན་ལས་མིན།། ཐམས་ཅད་ཡེ་ནས་སངས་རྒྱས་པས།། འགྲོ་བ་ཀུན་ལ་ཕྱོགས་རིས་མེད།། འདི་འཛིན་འདི་འཆང་འདི་འདོན་ན།། གང་གོམས་སངས་རྒྱས་ས་ལ་གནས།། འདི་ལ
266a5 མོས་པ་ཐ་དད་ཀྱིས།། མུ་སྟེགས་སྲིན་པོའི་རིགས་དྲུག་རྣམས།། ཕྱོགས་དང་རིས་སུ་མ་ཆད་དེ།། གང་གོམས་དེ་ཡིས་འབྲས་བུ་ཐོབ།། ཐམས་ཅད་རང་བཞིན་སངས་རྒྱས་ཉིད།། རང་གི་དེ་ཉིད་མ་རྟོགས་ན།། འཁྲུལ
266a6 པར་གྱུར་ཏེ་སོ་སོར་སྣང་།། འཁོར་བ་ཉིད་ལས་ཐར་མཐའ་མེད།། རང་སངས་རྒྱས་པ་དེ་རྟོགས་ན།། རིག་པ་ཡེ་ཤེས་ལྡན་པས་ན།། བླ་མེད་ཤེས་རབ་ཉག་གཅིག་ལམ།། དེས་ནི་བླ་མེད་ཐར་པ་ཐོབ།། ཞེས་རྩ་བའི
iiif viewer powered by OpenSeadragon
