| e-texts navigator |
| Wylie |
265b1 ཉིད་ཕྲ་མོར་ཤོང་མི་འགྱུར།། ཟངས་ལ་གསེར་རྩིས་གསེར་དུ་བསྒྱུར་རུང་གིས།། ཟངས་རྩིས་གསེར་དུ་བསྒྱུར་དུ་འདོད་པ་མེད།། འདི་ཡི་དོན་གྱིས་གཞན་གྱི་འབྲས་རུང་གིས།། གཞན་གྱི་དོན་གྱིས་འདི་ཡི་དོན་མི
265b2 རུང་།། སྙིང་པོ་དོན་མཆོག་ཁྱད་པར་འདི་ཉིད་ནི།། བླ་མེད་ཐེག་ཆེན་ཕྲ་མོ་གདོད་ནས་མེད།། ཐམས་ཅད་ཇི་བཞིན་དེ་བཞིན་ཉིད་དུ་གནས།། འདི་ལ་ཡོན་ཏན་ཐམས་ཅད་ཤུགས་ཀྱིས་འབྱུང་།། ལམ་ནི་ཉེ་ལམ
265b3 བགྲོད་མེད་བདེ་བར་རྫོགས།། ལམ་གྱི་མཆོག་ཏུ་གྱུར་པའི་མིང་སོ་འདིས།། སྟོང་པ་ཉིད་ཀྱི་སེམས་དེ་གཟུགས་ཡོད་མེད།། ཤེས་རབ་མོས་ལ་འདི་ཚོལ་རབ་ཏུ་བླ།། ཞེས་རྩ་བའི་རྒྱུད་ལས། ཐེག་ཆེན་འདི་དང་ལྡན
265b4 ན་ཕྲ་མོ་བསྒྱུར་དུ་བཏུབ་པར་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་སྟོན་པས་འཁོར་རྣམས་ལ།། རྩིང་པོ་ཤེས་པས་བཅད་པར་བསྟན།། རྫོགས་ཆེན་འདི་ཡི་རང་བཞིན་ནི།། རྩིང་པོ་ཤེས་པས་མ
265b5 བཅད་ན།། ཕྲ་མོའི་ཤེས་པས་གྲངས་རླབས་མི་ཆོད།། དོན་ཀུན་བློ་ལ་མི་སྣང་བར།། སྒྲ་ཕྱིར་འབྲེང་བ་དོན་མེད་པས།། རྒྱ་ཆེ་རྩིང་པོའི་དྲ་བཅད་ལ།། ཕྲ་མོ་བག་ལ་ཉལ་བ་དབབ།། གཏན་ཚིགས་ཀྱིས་ནི་མ་ཡིན
265b6 ནོ།། ཕྲ་མོའི་ཤེས་པ་གྲངས་ལས་འདས།། དོན་ཀུན་སོ་སོ་རང་རང་པའོ།། དེ་བཞིན་བལྟ་བ་སོ་སོར་བལྟ།། རྫོགས་ཆེན་འདི་ནི་རབ་རྩིང་སྟེ།། དོན་འདི་ཆ་རིམ་ཉག་གཅིག་ཏུ།། ཐམས་ཅད་ཀྱིས་ནམ་བུས་ཆུབ
iiif viewer powered by OpenSeadragon
