| e-texts navigator |
| Wylie |
265a1 འཁོར་རྣམས་ལ།། ཐེག་ཆེན་འདི་དང་ལྡན་གྱུར་ན།། སྡིག་པ་ཀུན་ལས་རྣམ་པར་གྲོལ་བར་བསྟན།། མཉམ་པའི་ངང་ལ་གནས་པའི་ཚེ།། རང་བྱུང་ཡེ་ཤེས་འོད་གསལ་ན།། དགེ་སྡིག་གཉིས་ཀ་རྣམ
265a2 པར་སེལ།། གཉིས་མེད་ཡེ་ཤེས་ཁྱབ་གདལ་བས།། སྡིག་པ་ཀུན་ལས་རྣམ་པར་གྲོལ།། སྡིག་སྤྱད་སྡིག་པ་མ་བསགས་ན།། སྡིག་པ་ཀུན་ལས་ངེས་གྲོལ་ཏེ།། ཞི་བའི་ཀླུང་ལས་ཡེ་ཤེས་འཕྱོ།། ཉམ་ངའི་རྐྱེན་གྱིས་མི
265a3 བསྒྲིབ་འདི་ཡི་ལམ།། ལམ་ཆེན་འདི་ལ་དགེ་སྡིག་གཉིས་མི་མངའ།། བདག་གཞན་མི་མཐོང་མི་འཛིན་ན།། ཉོན་མོངས་ཀུན་ལ་འབྱོལ་ཉོག་ཀྱང་།། རྣམ་གྲོལ་ལམ་ལ་བསྒྲུབ་མི་འགྱུར།། ཐེག་ཆེན་འདི་དང་ལྡན་གྱུར
265a4 ན།། དགེ་དང་སྡིག་པ་གཉིས་མེད་དེ།། སྡིག་པ་ཀུན་ལས་ངེས་པར་གྲོལ།། བླ་མེད་འབྲས་བུ་འཐོབ་པར་འགྱུར།། འདི་དོན་དེ་བཞིན་ཉིད་རྟོགས་ན།། ཐམས་ཅད་ངོ་བོ་དེ་ཉིད་པས།། སྡིག་པ་ཀུན་ལས་ངེས་པར
265a5 གྲོལ།། ཞེས་རྩ་བའི་རྒྱུད་ལས། ཐེག་པ་ཆེན་པོའི་དོན་དང་ལྡན་ན་སྡིག་པ་ཀུན་ལས་ངེས་པར་གྲོལ་བར་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་སྟོན་པས་འཁོར་རྣམས་ལ།། ཐེག་ཆེན་འདི་དང་ལྡན
265a6 གྱུར་ནས།། ཕྲ་མོ་བསྒྱུར་དུ་རུང་བར་བསྟན།། བླ་མེད་ཐེག་ཆེན་འདི་རྟོགས་ན།། ཐམས་ཅད་དེ་བཞིན་ཉིད་གནས་པས།། ཐེག་པ་ཐམས་ཅད་འདི་རུ་འདུས།། ཐེག་པ་ཕྲ་མོ་འདི་རུ་འདུས་རུང་གིས།། ཐེག་པ་འདི
iiif viewer powered by OpenSeadragon
