| e-texts navigator |
| Wylie |
264b1 གསུམ་པའོ།། །། དེ་ནས་སྟོན་པས་འཁོར་རྣམས་ལ།། དེ་བཞིན་ཉིད་ཀྱི་དོན་རྟོགས་ན།། མཆོག་གི་དངོས་གྲུབ་འཐོབ་པར་བསྟན།། དེ་བཞིན་ཉིད་ནི་དངོས་པོ་ཀུན་དང་བྲལ།། འབྲལ་མེད་དོན་འདི་མཚོན་དུ
264b2 མེད་པ་སྟེ།། རང་རིག་ཡེ་ཤེས་འོད་གསལ་ནི།། དངོས་པོ་དངོས་སུ་དག་པ་དངོས་གྲུབ་མཆོག། བྱང་ཆུབ་ངོ་བོ་ཉིད་དུ་ཀུན་གནས་པས།། རྟོག་པའི་དབང་གིས་ཀུན་དང་འབྲེལ་མ་ཡིན།། མི་རྟོག་རྟོག་པའི་ཡུལ་ལས
264b3 འདས།། གཟུང་འཛིན་རྟོག་མཐའ་ལས་འདས་ན།། མཆོག་གི་དངོས་གྲུབ་གྲུབ་པར་འགྱུར།། གཟུང་འཛིན་གཉིས་ལྷ་མུ་སྟེགས་འཁྲུལ་པའི་ལྷ།། དངོས་པོ་ཉིད་དུ་གནས་པས་དངོས་མི་འགྲུབ།། མི་འཛིན་མི་རྟོག
264b4 གཉིས་མེད་འོད་གསལ་ན།། དངོས་པོའི་གནས་ལུགས་དག་པས་དངོས་གྲུབ་མཆོག། རང་བྱུང་འོད་གསལ་བདུད་རྩི་ཆེན་པོ་འདི།། སུ་ཡིས་རྟོགས་ན་དངོས་གྲུབ་ཆེན་པོ་མཆོག། ཡང་དག་ངེས་པའི་སྙིང་པོ་འདི
264b5 རྟོགས་ན།། རྒྱལ་མཆོག་ལྷུན་གྱིས་གྲུབ་པའི་དངོས་གྲུབ་པས།། འཇིག་རྟེན་མཐུ་ཆེན་རྣམས་ཀྱིས་ཕྲོག་ཏུ་མེད།། སྙིང་པོ་དོན་མཆོག་དངོས་གྲུབ་རང་གི་སེམས།། འཇིག་རྟེན་དངོས་གྲུབ་མཚན་མའི་རྣམ་པ
264b6 སྟེ།། དངོས་གྲུབ་དེ་ལ་བདུད་རྩི་མེད་པར་བཤད།། ཅེས་རྩ་བའི་རྒྱུད་ལས། རྫོགས་ཆེན་ཉིད་ཀྱི་དོན་རྟོགས་ན། མཆོག་གི་དངོས་གྲུབ་ཡིན་པར་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་སྟོན་པས
iiif viewer powered by OpenSeadragon
