| e-texts navigator |
| Wylie |
264a1 སྙིང་པོ་ཐེག་མཆོག་འདི་ནི་ཡིད་བཞིན་ནོར་བུའི་ཚུལ།། དགོས་འདོད་རེ་བ་དང་ངམ་ཤུགས་ཀྱིས་འབྱུང་།། ཡོན་ཏན་ཀུན་འབྱུང་ཡིད་བཞིན་ནོར་བུའི་སྐུ།། སྐུ་ཉིད་འདི་རྟོག་ཐམས་ཅད་ཤུགས་ཀྱིས
264a2 འབྱུང་།། ཞེས་རྩ་བའི་རྒྱུད་ལས། ཐེག་མཆོག་འདི་དང་ལྡན་ན་ཡོན་ཏན་ཤུགས་ཀྱིས་འབྱུང་བ་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་སྟོན་པས་འཁོར་རྣམས་ལ།། གཉིས་མེད་ཡེ་ཤེས་རྟོགས་གྱུར
264a3 ན།། རིག་པ་རང་དབང་ཐོབ་པར་བསྟན།། དེ་བཞིན་ཉིད་དོན་གང་གནས་པ།། གཉིས་མེད་ཡེ་ཤེས་ཐོབ་པའི་དབང་།། ཐམས་ཅད་ཀུན་ལ་དབང་བསྒྱུར་ནས།། རིག་པ་རང་དབང་ཐོབ་པའི་དོན།། རང་རིག་ཅི་ལ་མི
264a4 གནས་པ།། བླང་དོར་མི་མཉམ་སེམས་མེད་ན།། ཐམས་ཅད་ཀུན་ལ་དབང་བསྐུར་བའི།། རིག་པ་རང་དབང་ཐོབ་པའི་དབང་།། ངོ་བོ་ཉིད་དུ་ཉིད་གནས་པ།། ངོ་བོ་ལྷུན་གྱིས་རྫོགས་པའི་དབང་།། གཉིས་མེད་ཡེ
264a5 ཤེས་འོད་གསལ་ན།། མི་འགྱུར་རྡོ་རྗེ་ཉག་གཅིག་སྐུ།། མི་འགྱུར་རིག་པ་རང་དབང་ཐོབ།། ཅི་ལ་མི་སེམས་རྟོག་བྲལ་ན།། དེ་བཞིན་ཉིད་དུ་ལྷུན་རྫོགས་པས།། རང་དབང་ཡེ་ཤེས་རྫོགས་པའི་དབང་།། སྙིང་པོ་ཇི
264a6 བཞིན་དེ་བཞིན་དུ།། རྩོལ་བསྒྲུབ་མཐའ་ལས་འདས་གྱུར་ན།། རིག་པའི་ཡེ་ཤེས་རང་དབང་ཐོབ།། ཅེས་རྩ་བའི་རྒྱུད་ལས། གཉིས་མེད་ཀྱི་དོན་རྟོགས་ན་རིག་པ་རང་དབང་ཐོབ་པར་བསྟན་པའི་ལེའུ་སྟེ་ཉི་ཤུ་རྩ
iiif viewer powered by OpenSeadragon
