| e-texts navigator |
| Wylie |
263a1 པའི་མཆོག། ཡང་དག་སངས་རྒྱས་ལམ་ཉིད་ལ། གཉིས་སུ་མེད་པ་བདེ་བའི་ལམ།། མ་བཅོས་ཐིག་ལེ་གཅིག་གི་ངང་།། གཏན་ལ་མི་ཕེབས་སེམས་ཉིད་དེ།། བསྡུས་མེད་སྤྲོས་མེད་རང་བྱུང་ཉིད།། དེ
263a2 ལ་དྲན་དང་མི་དྲན་དང་།། རྟག་དང་ཆད་དང་བསྒོམ་བསྒྲུབ་དང་།། སྒྲ་བརྗོད་འཁྲུལ་པའི་འཁྲུལ་པ་དེ།། སྟོང་གསུམ་སེམས་ཅན་བསད་པ་བས།། སྡིག་པའི་མཆོག་ཏུ་འགྲོ་བར་འགྱུར།། ཞེས་རྩ་བའི་རྒྱུད
263a3 ལས།། གཉིས་སུ་དབྱེར་མེད་པ་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་སྟོན་པས་འཁོར་རྣམས་ལ།། ཤིན་ཏུ་རྩོལ་བསྒྲུབ་དགོས་པར་བསྟན།། བླ་མེད་འབྲས་བུ་གང་འདོད་པ།། ཤིན་ཏུ་ལས་རྣམས་འདུ
263a4 འཛི་སྤངས།། མཆོད་ན་མགྲོན་དུ་བྱ་བ་མེད།། ལུས་ལངས་རྟོག་པ་ལངས་པ་སྟེ།། རྣལ་འབྱོར་ཡང་རབ་བློ་ལྡན་ལ།། ཤིན་ཏུ་རྩོལ་བསྒྲུབ་དགོས་པར་བསྟན།། བླ་མེད་འབྲས་བུ་གང་འདོད་པ།། ཤིན་ཏུ་ལས་རྣམས
263a5 འདུ་འཛི་སྤངས།། གསང་ཆེན་མཉམ་པའི་སྙིང་པོ་འདི།། ཐོབ་པའི་སྐལ་བ་བྱ་ཚེ་ན།། བགྲོད་དང་འདུག་དང་ཉལ་བ་དང་།། མཉམ་པ་དེ་ཡི་ངང་དུ་གནས།། དུས་མེད་རྟག་ཏུ་མ་ཡེངས་བསྒོམ།། ཆུ་སྲིན་རྫས་ཟིན
263a6 ཚུལ་དུ་མ་བཏང་ན།། ཁྱད་པར་བདུད་རྩི་མཆོག་ཏུ་དེ་ཉིད་འགྲུབ།། མཐོང་བས་བལྟར་མེད་ཚོལ་འདོད་ན།། མགོ་ལ་མེ་ཤོར་ལྟ་བུའི་བརྩོན་འགྲུས་བསྐྱེད།། དེ་མིན་ཉལ་འདུག་དེ་ཉིད་འདི་དང་མི་ལྡན་ན།། སྐྱེ་བའི
iiif viewer powered by OpenSeadragon
