| e-texts navigator |
| Wylie |
262b1 མི་སྤྱོད་དེ་བཞིན་མེད་པར་གནས།། ཐམས་ཅད་དེ་བཞིན་ཉིད་དུ་ཡང་གནས་པས།། གང་སྤྱོད་ཅི་སྤྱོད་ཐམས་ཅད་སྤྱོད་པའི་མཆོག། མ་འགགས་མི་འགག་ཐམས་ཅད་དེ་བཞིན་ཉིད།། རིགས་དྲུག་བདུད་དང་མུ
262b2 སྟེགས་སྲིན་པོའི་སྤྱོད།། རྫོགས་ཆེན་སྤྱོད་པར་མ་གྱུར་གང་ཡང་མེད།། ཅི་མི་སྤྱོད་པའི་སྤྱོད་པ་ཆེ།། ཤིན་ཏུ་མཆོགས་དག་ཏུ་བཤད།། ཅེས་རྩ་བའི་རྒྱུད་ལས། སྤྱོད་པ་སྤང་བླང་མེད་པར་བསྟན་པའི་ལེའུ་སྟེ་བཅུ་དགུ
262b3 པའོ།། །། དེ་ནས་སྟོན་པས་འཁོར་རྣམས་ལ།། གཉིས་སུ་དབྱེ་བ་མེད་པར་བསྟན།། དེ་བཞིན་ཉིད་དོན་སྙིང་པོ་ཐིག་ལེ་གཅིག། གཉིས་མེད་ཡེ་ཤེས་ཁྱབ་གད་ལ་ཡོངས་སུ་འདུས།། གཉིས་མེད་མཐོང་བའི་ལྟ་བ
262b4 མ་རབས་བུས་པ་ལྟར།། རང་གི་ཤེས་པ་དམ་པར་བྱས་ཏེ་དེ་བསྙེམས་པ།། ཆགས་སྡང་ཞེ་སྡང་བསྐྱེད་ན་གཏི་མུག་ཡིན་ཏེ་དེ་མི་མཐོང་།། བརྗོད་དུ་ཡོད་པ་ཐམས་ཅད་རྟོག་པའི་རྒྱུན།། རྣམ་རྟོག་དེ་ལ་བླ་མེད་ཕྱོགས
262b5 ན་མེད།། མ་བསླང་ཇི་བཞིན་གནས་པའི་ངང་ཉིད་ལ།། ཐམས་ཅད་རྫོགས་པས་གཉིས་སུ་མེད།། དབྱིངས་དང་ཡེ་ཤེས་གཉིས་སུ་འཛིན་པ་ཡང་།། དེ་ནི་སྒྲིབ་པའི་སྐྱོན་ཆེན་ཡིན།། བླང་དོར་བདེ་ལ་རབ་གནས
262b6 པ།། བྱང་ཆུབ་མཆོག་ཏུ་འགྲོ་མི་འགྱུར།། རྣ་དབང་གཞན་ནས་ཟོས་མི་འགྱུར།། ངག་གིས་བརྗོད་དུ་མེད་པའི་ཕྱིར།། ཡེ་ཤེས་དབྱིངས་སུ་མཐོང་བ་མེད།། འཁྲུལ་པའི་ལམ་ལ་གཉིས་བལྟ་མོད།། དེ་ནི་མུ་སྟེགས་ལྟ།
iiif viewer powered by OpenSeadragon
