| e-texts navigator |
| Wylie |
262a1 མིན།། ཐམས་ཅད་ཐིག་ལེ་གཅིག་སྟེ་དབྱེ་བའི་ཐ་སྙད་མེད།། བླ་མེད་ངེས་པའི་སྙིང་པོའི་དོན་ཚོལ་ན།། འཁོར་ཐར་གཉིས་མེད་བཟུང་སྟེ་དེ་བཞིན་ཉིད་དུ་ཤེས་པར་བྱ།། ཁ་ཅིག་དམྱལ་འཇིགས
262a2 རྣ་བརྒྱད་ཐོས་མ་ཐག། དེ་འཇིགས་ཤིན་ཏུ་སྐྲག་གྱུར་ནས།། བསམ་ཕྱིར་དགེ་བའི་ཚོགས་སྤྱོད་ཀྱང་། བསམ་ལ་བརྟེན་ཕྱིར་ཐར་མི་འགྱུར།། དམྱལ་འཇིགས་བླ་མེད་ཐོབ་པའི་བསམ་མེད་ན།། ཚ་གྲང་དམྱལ་སྲུང
262a3 ཤལ་མ་རི།། བསམ་པ་ཇི་ལྟར་བསམ་པ་ལྟར།། མི་བཟོད་སྡུག་བསྔལ་དེ་ཡིས་མཐོང་།། འཇིགས་པ་གང་བསམ་དེ་ཡིས་བཤད།། དེས་ན་འཁོར་ཐར་གཉིས་སུ་མེད།། མ་བཅོས་ཐིག་ལེ་གཅིག་གི་ངང་།། མཉམ་པ
262a4 ཉིད་ཡང་སངས་རྒྱས་ལ།། འཇིགས་པ་མེད་པ་ལམ་གྱི་མཆོག། མ་སྤངས་མི་སྤང་མཆོག་གིས།། ཐམས་ཅད་རང་བཞིན་ལྷུན་གྱིས་རྫོགས།། གཉིས་མཐར་མི་འབྱུང་གཅིག་གི་ངང་།། མ་བཅོས་ཐིག་ལེ་གཅིག་ལ
262a5 བཞག། ཞེས་རྩ་བའི་རྒྱུད་ལས། འཁོར་ཐར་གཉིས་སུ་མེད་པར་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་སྟོན་པས་འཁོར་རྣམས་ལ།། སྤྱོད་པ་སྤང་བླང་མེད་པར་བསྟན།། དེ་བཞིན་ཉིད་ཀྱི་དོན་འདི
262a6 ལ།། ཅིས་ཀྱང་བསྒྲིབ་པ་མི་འགྱུར་བས།། གང་ལྟར་སྤྱོད་ཀྱང་དེ་བཞིན་ཉིད།། ཅི་ཡང་མི་སྤྱོད་བླ་མེད་སྤྱོད་པའི་མཆོག། ཅི་སྤྱད་མི་རྟོག་སྐྱེ་བ་འདི་ཡི་དོན།། སྤྱོད་པ་བཟང་སྟེ་གླང་ཆེན་ཆུར་ཞུགས་བཞིན།། ཅི་ལ
iiif viewer powered by OpenSeadragon
